Almaty qalasy jastar saıasaty máseleleri jónindegi basqarmanyń bastamasymen El táýelsizdiginiń 25 jyldyǵy men Almaty qalasynyń 1000 jyldyǵy jáne Tuńǵysh Prezıdent kúnine oraı "ALMATY YOUTH AWARDS" jobasy sheńberinde "Almaty" Ýnıversıtetiniń uıymdastyrýymen Almaty qalasy JOO Jastar isi jónindegi komıtetteriniń uıymy "G 38" músheleriniń qatysýymen "Máńgilik elge jol..." atty konferensıa ótkizildi.
"Almaty" ýnıversıtetine kelgen JOO stýdentteri atalmysh taqyryp boıynsha baıandama jasady. Atap aıtqanda, Qazaq ulttyq agrarlyq ýnıversıtetinen Ábdimanap Elaman, Qazaq memlekettik qyzdar pedagogıkalyq ýnıversıtetiniń stýdenti Turlyǵazıeva Nazerke Qýanyshqyzy, ál-Farabı atyndaǵy Qaz UÝ atynan Oraz Uljan Álhanqyzy, Ortalyq Azıa ýnıversıtetinen Erzat Baǵdatuly, Nur Mýbarak ýnıversıtetinen Demesbaı Talǵat, Qazaqstan-Reseı medısınalyq ýnıversıtetten Sataev Abýbakır jáne Almaty ýnıversıtetiniń stýdenti Tursynǵalı Jamıla "Máńgilik El" uǵymy men osy ıdeıany júzege asyrý úshin ne isteý qajet degen máselege qatysty oılaryn ortaǵa saldy. Sonymen qatar, konferensıaǵa Shoqan Ýálıhanov atyndaǵy Tarıh jáne etnologıa ınstıtýtynyń dırektory, tarıh ǵylymdarynyń doktory, profesor, QR UǴA-nyń korespondent-múshesi H.M.Ábjanov, Qazaqstan Halyqtarynyń Assambleıasy janyndaǵy "Jarasym" RMO halyqaralyq baılanystar jónindegi komıtet tóraǵasy Esenıazov Aıtbek Tólegenuly, Almaty qalasy jastar saıasaty máseleleri jónindegi basqarmanyń qyzmetkeri Sandybaeva Sandýǵash Qaljanqyzy kelip qatysty. Konferensıa sońynda qorytyndy sóz aıtqan profesor H.M.Ábjanov stýdentterdiń baıandamalaryn talqylap, óz oıyn ortaǵa saldy.
