Astanadaǵy Maksım Gorkıı atyndaǵy akademıalyq orys drama teatrynda qazaqstandyqtar memleket qaıratkeri Sergeı Dáchenkomen qoshtasty dep habarlaıdy «Qamshy» portaly.

Sergeı Aleksandrovıchti aqtyq saparǵa shyǵaryp salýǵa parlament depýtattary, memleket jáne qoǵam qaıratkerleri, elorda jurtshylyǵy keldi. Sonymen qatar qoshtasý rásimine parlament májilisiniń tóraǵasy Nurlan Nyǵmatýlın, prezıdent Ákimshiliginiń basshysy Ádilbek Jaqsybekov, İshki ister mınıstri Qalmuhanbet Qasymov, Astana ákimi Áset Isekeshev, premer-mınıstrdiń orynbasary - Aýyl sharýashylyǵy mınıstri Asqar Myrzahmetov jáne basqalary qatysqan.

Májilis tóraǵasy Nurlan Nyǵmatýlın memleket qaıratkeri Sergeı Dáchenkonyń súıegi Ulttyq panteon aýmaǵynda qoıylatynyn habarlady. Aıta keter bolsaq, Aqmolanyń eks-ákimi Sergeı Dáchenko  26 qazanda ómirden ozǵan edi.

Eske sala keter bolsaq, Ulttyq panteonǵa  Oral Muhamedjanov, Ábish Kekilbaıuly, Maqsut Nárikbaev, Farıza Ońǵarsynovalar jerlengen bolatyn.