Adam baspanasynan aıyrylǵan kezde, basqalar ony haıýanǵa teńeıtin sıaqty. Árıne, kóbisi óz baspanalaryn ishimdikke aýystyryp, óz taǵdyryn, ómirin qorlaıdy.

Alaıda, qylmystyq alaıaqtyq qurbandary da az emes. Fılıppın aýrýhanasynyń janynda túsirilgen bul vıdeo jas ananyń dalada týyp jatqany jaıly. Sebebi, jas anany perzenthanaǵa kirgizbegen. Beısharanyń aqshasy, saqtandyrý qaǵazy da bolmaǵan. Al, týý ýaqyty kelip qalǵan. Qýanyshqa oraı, aýrýhana qyzmetkerleri ákimshiliktiń sheshimine qaramastan, jas anaǵa kómek kórsetti. Dáriger mamandardyń arqasynda bala aman-esen týyldy.

Rolık áleýmettik jelilerde keńinen taralǵan soń, qoǵamnyń narazylyǵyn týdyrdy. Osy vıdeodan týyndaǵan qoǵamdyq rezonans  jas ana men sábıge jaqsy yqpal etti. Olardyń ýaqytsha baspanasy paıda boldy.

Jas ana osy qıyn jaǵdaıdy tózip, jeńip shyǵady degen oıdamyz, ózi úshin bolmasa da, balasy úshin. Osy ómirde jaqsy adamdardyń baryna shúkir! Dárigerlerdiń kómeginsiz jas ananyń taǵdyry qandaı bolar edi?!

Ázirlegen: Daıana Ishanhan