Kásipker Jeńis Túrkıa «Momyshuly» atyndaǵy Namys medalymen marapattaldy

Kásipker Jeńis Túrkıa «Momyshuly» atyndaǵy Namys medalymen marapattaldy, bul týraly «Qamshy» aqparattyq portaly habarlaıdy. Tósbelgini Aýǵan soǵysy ardagerler uıymynyń «QAZAQSTAN ARDAGERLERİ» qaýymdastyǵynyń tóraǵasy Baqytbek Smaǵul tabystady.

Jeńis Túrkıa el táýlesizdigin alyp, «Kóshi-qon» saıasaty qolǵa alynǵan tusta Atajurtqa alǵashqy bolyp kelgen qandastardyń ókili. Ol elge kelgen soń kásipkerlikpen aınalysyp, qoǵamdyq-mádenı ómirge at salysty.

Ol, «Er Jánibek» halyqaralyq qorynyń prezıdenti. «Er Jánibek» qory álem qazaqtary aıasynda ataýly merekelerdi uıymdastyryp, is-sharalar ótkizip keledi. Ol táýelsizdiktiń 25 jyldyǵy merekesine baılanysty «Táýelsizdigimizge 25 jyl toldy. Shırek ǵasyr az ýaqyt emes. Osy aralyqta elimiz baǵdaryn túzep, baǵytyn aıqyndap, tuǵyryn bekitti, tamyryn tereńge jaıa tústi. Bul álemdegi qazaq jurty úshin úlken qýanysh, zor mereı. Táýelsizdigimizdiń osyndaı ataýly merekesi memleket kóleminde keńinen toılanyp jatyr. Oǵan ún qosý el azamattarynyń boryshy» deıdi óz sózinde. Sondaı-aq, «Aldaǵy josparlar týraly aıtar bolsaq, qazaq úshin eń bir kıeli uǵymnyń biri Alash desek artyq emes. Buıyrtsa, kelesi 2017 jyly Alashorda úkimetiniń qurlynǵanyna 100 jyl tolady. Osy mereıtoıǵa baılanysty kitaptar shyǵarsaq deımiz. Sondaıq-aq, keler jyly Halıfa Altaıdyń 100 jyldyǵy, tanymal ǵalym marqum Tursynbek Kákishev aǵamyzdyń 90 jyldyǵy sekildi aýqymdy sharalardyń oıdaǵydaı ótýine atsalysýdy oılastyryp otyrmyz», - dep otyr Tósbelgi ıesi. 

Jeńis myrza "Qamshy" portaly uıymdastyrǵan "Qazaq handyǵyna 550 jyl" merekelik konsertiniń bas demeýshileriniń biri bolǵan.