Keshe Ortalyq komýnıkasıalar qyzmetindegi brıfıń barysynda «QazAgro» ulttyq basqarýshy holdıńi» AQ basqarma tóraǵasynyń orynbasary Aıgúl Muhamadıeva 2016-2017 jyldary ekonomıkalyq ósimdi yntalandyrý jáne jumyspen qamtý boıynsha qosymsha sharalar aıasynda atalǵan holdıńke respýblıkalyq búdjetten 51,7 mlrd teńge bólingendigin málimdedi.
Bul qarajat aǵymdaǵy jyldyń 1 shildesindegi Indýstrıalandyrý qorytyndylary týraly keńeste Memleket basshysy belgilep bergen aýyl sharýashylyǵyndaǵy jekelegen baǵyttardy qarjylandyrýǵa jumsalmaq. Atap aıtqanda, aýyldaǵylardy ónimdi jumyspen qamtýdy kúsheıte túsýge, halyqtyń tabysyn arttyrýǵa, sondaı-aq, aýylsharýashylyq ónimderiniń eksportyn ulǵaıtýǵa kómek kórsetýge baǵyttalatyn bolady.
Aıgúl Muhamadıevanyń aıtýynsha, birinshi baǵyt boıynsha ónimdi jumyspen qamtýdy joǵarylatýǵa jáne turǵyndardyń tabysyn arttyrýǵa kómek berý maqsatynda qazirdiń ózinde sút qabyldaý pýnktteriniń jelisin qurýǵa jáne otbasylyq sút fermalaryn qoldaýǵa, otbasylyq bordaqylaý alańdaryn qurýǵa jáne onyń bazasynda aýylsharýashylyq kooperatıvterin uıymdastyrýǵa, aýylsharýashylyq kooperatıvterin qurýǵa jáne jemis-kókónis ósirý boıynsha jeke qosalqy sharýashylyq (JQSH) qurýǵa arnalǵan jobalardy qarjylandyrý boıynsha jumystar atqarylýda.
«QazAgro» holdıńi «Jumyspen qamtýdyń jol kartasy-2020» baǵdarlamasy sheńberinde shaǵyn nesıeleýge alynǵan qarajat esebinen jáne holdıńtiń menshikti qarajaty esebinen jobalardy qarjylandyrý boıynsha jumysty bastap ketti. Jobalardy qarjylandyrý jyldyq 6%-dan aspaıtyn jeńildikti mólsherleme boıynsha júzege asyrylady jáne 9 000-nan astam jumys orny qurylady. Et, sút, jemis pen kókónistiń óndirisi boıynsha 192 myń jeke qosalqy sharýashylyqty kóleńkeli aınalymnan shyǵarýǵa múmkindik beredi, sút zaýyttary men et kombınatynyń óndiristik qýattaryn arttyrady, salyq tóleminiń túsimin ulǵaıtady», dedi Aıgúl Muhamadıeva.
Aýylsharýashylyq ónimderiniń eksportyn arttyrýǵa kómek berý sheńberinde halyqaralyq talaptarǵa saı óndiristegi eksportqa baǵdarlanǵan ınvestısıalyq jobalardy qarjylandyrý josparlanýda. Qazirgi ýaqytta ekinshi baǵyt boıynsha qarastyrylý ústindegi 43 joba bar. «QazAgro» holdıngi ótinimderdi qabyldaýdy jalǵastyrýda.
«100 naqty qadam» Ult josparyn júzege asyrý aıasynda holdıń eki qadamdy iske asyrýǵa atsalysady: 60-shy qadam boıynsha – sút jáne sút ónimderi óndirisin damytý úshin jáne 61-shi qadam boıynsha etti qaıtadan óńdeý men onyń óndirisin damytý úshin strategıalyq ınvestorlardy tartý kózdelýde.
Et pen sútti qaıta óńdeıtin jáne óndiretin jobalardy qarjylandyrý Úkimettiń sheshimine sáıkes, Biryńǵaı jınaqtaýshy zeınetaqy qorynan holdıńke bólinetin qarjysy esebinen iske aspaq. Holdıń kompanıalar tobyndaǵy taǵy bir mańyzdy baǵyt aýyldyq kooperatıvterdi damytýdy qoldaý bolyp otyr.
2006 jyldan beri Agrarlyq nesıe korporasıasy aýyldyq tutyný kooperatıvteri men aýyl turǵyndary úshin birlesken óndiristi damytý, daıyndaý men tutyný, saqtaý, aýylsharýashylyq ónimderin tasymaldaý, taýarly materıaldy qundylyqtardy jabdyqtaý baǵdarlamasyn júzege asyrýmen aınalysady. Bul baǵdarlama boıynsha 147 kooperatıv jalpy somasy 12,3 mlrd teńgege qarjylandyryldy.
2015 jyly holdıń tarapynan astyq óndirý salasyndaǵy usaq jáne shaǵyn aýylsharýashylyq taýar óndirýshilerin biriktirý úshin jáne olardy ekinshi deńgeıli bankter arqyly qarjylandyrý baǵytynda jańa qadam jasaldy. Bul jerde «Azyq-túlik kelisimshart korporasıasy» Ulttyq kompanıasy» AQ kooperatıvterden kepildendirilgen astyq satyp alý tetigi arqyly sharýalardyń qarjyny qaıtarýyna kepil bola alady.
Bıylǵy jyly Aqmola, Soltústik Qazaqstan, Qaraǵandy jáne Pavlodar oblystaryndaǵy 10 osyndaı birlestik qarjylandyryldy. Ol jerdegi 212 qatysýshynyń egis alqaby 726 myń gektardan astam jerdi qurady. Berilgen qarjy somasy – 8,3 mlrd teńge. Kooperasıalardan alynǵan mundaı ońdy tájirıbıeni holdıń bolashaqta aýyl sharýashylyǵynyń basqa da salalarynda júzege asyrýdy josparlap otyr.
Aýyl turǵyndaryn jumyspen qamtý jáne agroónerkásip keshenindegi ónimder kólemin jeke aýyl sharýashylyqtarynyń múmkindigin paıdalaný esebinen arttyrý maqsatynda holdıńtiń enshiles kompanıasy «Aýyl sharýashylyǵyn qarjylaı qoldaý qory» AQ 2016 jylǵy 8 tamyzdan bastap, «Jumyspen qamtýdyń jol kartasy-2020» jáne «Bıznestiń jol kartasy-2020» baǵdarlamalarynyń qarjylaryn paıdalana otyryp, shaǵyn nesıe berýdegi jańa ónimderdi júzege asyrýǵa iske kiristi.
Búgingi kúni «Aýyl sharýashylyǵyn qarjylaı qoldaý qory» AQ aýyldyq jerlerdegi shaǵyn nesıe berý naryǵynyń 90 paıyzdan astamyn qarjylandyryp otyr.
Suńǵat ÁLİPBAI,
«Egemen Qazaqstan»
