25 jasar jerlesimiz Janqosh jeńiske jetti.

"Almaty Arenada" qazaqstandyq boksshylardyń jeńisterimen ótip jatqan básekede Kásipqoı boksta qazaq elin tanytyp júrgen boksshylardyń biri – Janqosh Turarov ganalyq Aısak Arıemen (Gana) judyryqtasty. Ol osyǵan deıin 19 jekpe-jek ótkizip, barlyǵynda jeńiske jetken. Onyń 13-in mezgilinen buryn aıaqtaǵan. 

Al, qarsylasy Ganalyq Aısak Kásipqoı boksta 32 kezdesý ótkizgen. 24-de jeńiske jetip, 8 jekpe-jeginde jeńilgen. Eki boksshy arasyndaǵy kezdesý 10 raýndqa josparlanǵan. Olar sharshy alańǵa teń salmaqpen (66 keli) shyqty.

Birnishi raýndta Janqosh qarsylasyn zerttep aldy. Ózine soqqy darytpady. Ekinshi raýndta da Janqosh qorǵanysta boldy. Ganalyqtyń óte shymyr boksshy ekeni baıqaldy. Degenmen qarsylasyna birneshe sátti soqqy jasady. Úshinshi raýndta qyznyp alǵan boksshylar aıamas soqqylarǵa kúshti. Kelesi raýndta Janqoshtyń basymdylyǵy baıqaldy. Bir ret ganalyqty sulatyp aldy. Tóreshi sanaı bastaǵanda qarsylasy qaıta shyqty urysqa. Raýnd bitýge otyz sekýnt qalǵanda tehnıkalyq nokaýtpen jeńdi jerlesimiz.

Aıta keter bolsaq, belgili mesenat Baýyrjan Ospanov Janqosh Turarovpen Qanat Islamǵa kásipqoı boksta demeýshilik jasap keledi.

Almatyda ótip jatqan aıtýly básekede buǵan deıin 4 jekpe-jek etip, tórteýinde de jeńis Qazaq boksshylarynyń qanjyǵasyna baılanǵan edi.