"Almaty Arenada" ótip jatqan básekede jerlesimiz Kásipqoı bokstaǵy alǵashqy jekpe-jegin ótkizgen  Jánibek Álimhanuly da jeńiske jetti. Ol, shyǵa sala qarsylasyn tysqyrta qýdy. 

Qazaqstandyq boksshy Álimhanuly áýesqoı bokstaǵy 4 jylynan keıin  jaqynda ǵana birjola kásipqoı boksqa aýysty. Jánibek Álimhanuly 1993 jyldyń 1-sáýirinde Almaty oblysyna qarasty Alakól aýdanynyń Jylandy aýylynda dúnıege kelgen. 8 jasynan bastap bokspen shuǵyldanady. Ol, halyqaralyq dárejedegi sport sheberi, 2013 jylǵy Almatyda ótken áýesqoı bokstan álem chempıonatynyń jeńimpazy, Inchhonadǵy Azıa oıyndarynyń jeńimpazy, Ammanda ótken Bokstan Azıa chempıonatynyń jeńimpazy.

Onyń qarsylasy, 2010 jyly Gennadıı Golovkınmen judyryqtasqan Mılton Nýnes. Kolýmbıalyq boksshy qaýqarly qarsylas. Osyǵan deıin kásipqoı boksta 50 kezdesý ótkizgen. Onyń 33-de jeńiske jetken. 16 kezdesýinde jeńilip, 1 jekpe-jeginde qarsylasymen teń túsken. 

Buǵan deıingi 4 jekpe-jekte jerlesterimiz 

Juman Jumabekov Vladımır Ivanovti (Belarýs) 23-inshi sekýndta uryp jyqty.

Aıdar Sháribaev 6 raýnd bokstasyp, áriptesi  Hýan Okýrany (Ispanıa) upaı sanymen utty.

Álı Ahmetov bolsa,  Álı Mamedovti (Ázirbaıjan) 44-inshi sekýndta nokaýtqa jiberdi.

Aýyr salmaqtaǵy Rýslan Myrsataev - Nahý Azýmıdi (Gana) shyǵa sala sulatty.

Janqosh Turarov bolsa básekelesi Aısak Arıeni (Gana) 4 raýndta jaıratyp saldy.