Tájikstanda Vahsh ózenindegi Rogýn sý elektr stansıasynyń qurylysy resmı túrde bastaldy. Bul týraly «Qamshy» portaly QazAqparatqa silteme jasap habarlaıdy.  Saltanatty sharaǵa el prezıdenti Emomalı Rahmon qatysyp, ol búldozer róline otyryp, ózen arnasyn buryp, sý qoımasyn jasaý úshin bir jarym saǵat boıy qıyrshyq tas tókken.

1 shilde kúni Tájikstan úkimeti ıtalıalyq Salini Impregilo S.p.A. kompanıasymen quny 3,9 mlrd. dollar bolatyn shektelmeli kelisimge qol qoıdy. Alǵashqy eki týrbınany iske qosý 2018 jyldyń ekinshi jartysyna josparlanǵan.

tájik kóshbasshysy saltanatty jıynda «Ata-babalarymyzdyń ıgi dástúrin jalǵaı otyryp, kórshilerimizdi eshqashan sýsyz qaldyrmaıtynymyzdy tolyq jaýapkershilikpen málimdeımin», - dep málimdegen.

Sondaı-aq, Tájikstan basshysy nysannyń ózen saǵasy elderindegi paıdalanatyn jerlerdi sýlandyrýdy da júzege asyratynyn habarlady.

Aıta ketsek, Ózbekstan Rogýn GES qurylysyna túbegeıli qarsy, olar seısmıkalyq qaýipti aımaqtaǵy toǵannyń Ámýdarıa saǵasyndaǵy halyqqa qaýipti ekenin jáne sý qoımasy qurylysynan egin sýarýǵa sý jetpeı qalatynynan alańdaıdy. Eger joba júzege assa, álemdegi eń bıik (335 m) toǵan bolady jáne onyń iske qosylýy eldegi energıanyń jetispeýshiligi máselesin sheshe alady.