Tanymal ánshi Qaırat Nurtas Qyzylorda oblysy Qazaly aýdanynda ótetin konsertiniń aldynda jol apatyna ushyraǵan, - dep habarlaıdy Qamshy.kz.

Bul týraly ánshiniń anasy, prodúseri Gúlzıra Aıdarbekova óziniń áleýmettik jelidegi paraqshasy arqyly habarlady.

«Iá, rasynda Qaırat kólik apatyna ushyrady, týra osy kólikte. Biraq aman. Aıaqtaryna sál zaqym kelgen, Alla qoldap áıteýir synbaǵan. Eki aıaǵyn tańyp alyp,  Qazalyda halyqqa esh bildirmeı ánin aıtyp ketti.Bárińiz esitip surap jatyr ekensizder, ınstaǵa kirsem halyq ýaıymǵa salynypty, sol sebepti jaýabymdy berip, sizderdi ýaıymsyz bolsyn dep jazyp otyrmyn. Áýeli Allaǵa, sonan soń tileýin tilegen sizderge analyq júregimmen alǵysym sheksiz! Sizderdiń árbir duǵalaryńyz Allanyń qulaǵyna shalynyp, Qaırattaryńyz osyndaı apattan taǵy da aman qaldy.Meniń de tilerim: árbirińizdiń ul-qyzdaryńyzǵa tek amandyq, otbasylaryńyzǵa qýanysh!» - dep jazdy G. Aıdarbekova Instagramda.