Búgin Almaty qalasynda QR Ulttyq kitaphanasynda «Qazaqstan Respýblıkasynyń keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly» Zań jobasyna depýtattar bergen túzetýlerdi qaraý boıynsha jumys tobynyń otyrysy ótkizildi,- dep habarlaıdy Qamshy.kz tilshisi.  

Engizilip otyrǵyn túzetýler mádenıet jáne rýhanıat salasyndaǵy birqatar máselelerge baǵyttalǵan. Atap aıtqanda, bul avtorlardy qoldaý, qoǵamdyq mańyzy bar ádebıetter shyǵarý jáne osy týyndylardy árbir memlekettik kitaphanaǵa jetkizý; sondaı-aq memlekettik  satyp alý tetigin jetildirý; teatrlardyń, kitaphanalardyń jáne ózge de mádenıet uıymdarynyń qyzmeti úshin jaǵdaılardy jetildirý jáne basqa da máseleler qarastyryldy.

Otyrys jumysyna Parlament Májilisi Tóraǵasynyń orynbasary Gúlmıra Isımbaeva, Áleýmettik –mádinı damý komıtetiniń hatshysy Beıbit Mamraev, Parlament Májilisiniń depýtattary, Mádenıet jáne sport vıse –mınıstri Aqtoty Raıymqulova, Almaty qalasy ákiminiń orynbasary Arman Qyryqbaev, ádilet, qarjy, bilim jáne ǵylym mınıstrlikteriniń ókilderi, sarapshylar, qoǵam qaıratkerleri, shyǵarmashylyq odaqtarynyń jáne memlekettik mádenıet uıymdarynyń basshylary, Parlamentke kirmegen saıası partıalardyń, qoǵamdyq birlestikterdiń, úkimettik emes uıymdardyń jáne BAQ ókilderi qatysty.

 Zań jobasy Áleýmettik –mádenı  damý komıtetiniń qyzmeti sheńberinde qaraldy.