QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysy kezinde Investısıalar jáne damý mınıstri Jeńis Qasymbek elimizdegi geologıalyq salany damytý sharalary týraly baıandady, - dep habarlaıdy Qamshy.kz.
Mınıstrdiń aıtýynsha, geologıalyq salany damytý úshin birinshi kezekte jańa aýmaqtar men aımaqtardaǵy izdeý jumystaryn qarjylandyrýdaǵy memlekettiń rólin arttyrý qajet.
«Sonymen qatar, jer qoınaýlaryn zertteýdegi basymdyqtardy belgileý, geologıalyq barlaý jumystarynyń túrleri men kólemin naqtylaýdy negizdeý úshin aldyn-ala ǵylymı-zertteý jumystaryn júrgizý qajet. Ǵylymı taqyryptardy qarastyrý úshin Geologıa jónindegi Ulttyq ǵylymı keńesti quryp, onyń quramyna geologıalyq baǵyttaǵy sarapshylardy qosý kerek», - dedi J.Qasymbek.
Onyń aıtýynsha, dúnıejúzilik tájirıbege súıensek, álemdik deńgeıdegi salalyq ınfraqurylymdy qurǵan jón. Onyń aıasynda birneshe ǵylymı-zertteý ortalyqtary, geologıalyq aqparattar qamtylǵan elektrondy málimetter qorynyń blogy, sonymen qatar zertteýler júrgizý úshin halyqaralyq akkredıttelgen zamanaýı zerthana salynýy tıis.
