Túrkıanyń Anadoly Agenttiginiń jazýynsha, AQSH Syrtqy ister mınıstrliginen esimin jarıalamaýdy suraǵan joǵary ókiletti bir qyzmetker: «Taza dinı qozǵalystan tys, ofshorlyq aqshany zańdastyrý úshin arnaýly uıymdasqan aqsha jasyrǵan tulǵalardy baıqadyq. Gúlen týrasyndaǵy aıyptaýlardyń shyndyqqa janasýy múmkin» degen.
AQSH-tyń AP habar agenttigi taratqan aqparatta, atalǵan tulǵa «Túrkıanyń Fetýllah Gúlen týrasyndaǵy aıyptaýlary úshin jetkilikti jáne shynaıy dálelderi bar» dep basa aıtqan. Ol, óz sózinde Gúlen tarabynan basqarylyp, júrgizilgen qorlar men oqý mekemeleriniń kúmándi qurylymy men qarjylandyrý júıesi bolǵanyn jetizgen.
Esimin ashyqqa shyǵarǵysy kelmegen tulǵa, Túrkıadaǵy tóńkeris áreketiniń artynda turǵan FETÓ terror uıymynyń jetekshisi Gúlen ekenine qatysty AQSH quzyrly organdarynda tekserý jumystary júrgizilip jatqanyn aıtty.
Esimi atalǵan AQSH SİM ókili, Túrkıadaǵy «Tótenshe jaǵdaı» rejıminde júrip jatqan «Tóńkeriske qatysty tutqyndaýlar men Tergeý jumystaryna» da alańdaýshylyq bildirip, Túrkıany demokratıalyq prınsıpter aıasynda áreket etýge shaqyrdy.
Eske sala keter bolsaq, Túrkıadaǵy qandy «15 shilde» túninen keıin Túrik bıligi Resmı túrde Gúlendi aıyptaǵan bolatyn. Sondaı-aq, Gúlenniń artynda ol ómir súrip jatqan AQSH bıligi tur dep synaǵan edi. Kóp ótpeı AQSH memlekettik hatshysy Djon Kerrı «AQSH bıliginiń Gúlenge qatysty eshqandaı da ishki esebi joq ekenin, Túrkıa aıyptaýyna jetkilikti dálel keltire alsa Gúlendi Túrkıaǵa keri ekstradısıalaıtynyn» málimdegen edi. Túrik bıligi de kóp uzamaı AQSH-qa tıisti dálelder jibergenin, qarsy taraptyń tezirek tekserý jumystaryn júrgizýin suraǵan bolatyn.
Búgin ǵana málimdegen jasaǵan Túrkıanyń Premeriniń orynbasary Shımshek, "AQSH-qa jibergen qujattarymyzda jarym mıllıonǵa jýyq dálel bar. Tóńkeris áreketiniń artynda Gúlen turǵanyna eshqandaı shúbá joq" dedi.
