«Qamshy» portaly men «Qazaqstan» ulttyq telearnasy El táýelsizdigi men «Qazaq kóshiniń» 25 jyldyǵyna oraı uıymdastyrǵan joba
«Kósh jáne Kóshbasshy» merekelik konserti
Bıyl El táýelsizdigi men «Qazaq kóshine» - 25 jyl tolyp otyr. 1991 jyly 18 qarashada Qazaq KSR Joǵarǵy Keńesiniń sheshimine sáıkes respýblıkanyń Mınıstrler kabıneti “Aýyldyq jerlerde jumys isteýge tilek bildirýshi baıyrǵy ult adamdarynyń basqa respýblıkalardan jáne shet elderden Qazaq KSR-yna kóship kelýi tártibi men sharttary týraly” qaýly qabyldady. Sodan bergi shırek ǵasyr ýaqytta Atajurtqa oralǵan qandastarymyzdyń sany 1 mıllıonnan asty. Bul, árıne, Elbasy Nursultan Ábishulynyń eń jemisti saıasaty desek qatelespeımiz. Qazaq tarıhyna altyn árippen jazylýǵa tıis osy mereıli merekeni elge oralǵan aǵaıyn bıylǵy jyly 18 qarashada Almatydaǵy Stýdentter saraıynda aıryqsha atap ótpek. Bul sharany - «Qazaq kóshiniń» 25 jylyna tarıhı baǵa berý jáne qarashańyraqqa ýyq bolyp qadalǵan mıllıonnan astam qazaqtyń El men Elbasyna alǵys aıtýy dep qabyldaǵan jón. Alǵysty tek jalań sózben ǵana emes, elge kelip ósip-óngen, jetistikke jetken aǵaıynnyń jarqyn bet-beınesimen kórsetkisi keledi. Bul sharany «Qamshy» aqparattyq portaly men «Qazaqstan» ulttyq telearnasy birlesip ótkizýde.
Júrgizýshiler:
Azamat Satybaldy
Anna Danchenko
Derekti fılm: «Kósh jáne Kóshbasshy»
Sóz: QR Aqparat jáne komýnıkasıalar mınıstri Dáýren Abaev
Beıne-sújet: Elge oralyp jetistikke jetken qandastarymyzdyń qazirgi beınesi
Konsert: Maıra Muhammed, Ramazan Stamǵazıev, «Qońyr» toby, «Alashuly», Shaba Ádenqul, t.b. Qazaqstannyń estrada juldyzdary
Oryny: Ó.Joldasbekov atyndaǵy Stýdentter saraıy
(Ál-Farabı atyndaǵy QazUÝ rektory Ǵalymqaıyr Mutanovtyń qoldaýymen)
Ýaqyty: 18 qarasha, 18:00
Bıletter satylmaıdy. Belgilengen tártip boıynsha tegin taratylady.
Tolyǵyraq: 8-727-354-76-95
Meken-jaı: Almaty qalasy, Abaı dańǵyly 143, Baspalar úıi 513 keńse.
El.poshta: qamshy@gmail.com
