Búgin Astanada QR Mádenıet jáne aqparat mınıstri Darhan Myńbaı respýblıkalyq jáne aımaqtyq BAQ bas redaktorlaryn tól merekelerimen quttyqtady. «Búgingi tańda jýrnalıser qaýymynyń, aqparat salasy qyzmetkerleriniń jetken jetistikteri aýyz toltyryp aıtarlyqtaı jáne aqparat quraldary memleketimizdiń, qoǵamnyń rýhanı damýyna kóp úles qosyp kele jatyr. Elbasy óziniń bıylǵy Joldaýynda aqparattyq tehnologıalardy belsendirek ıgerý qajettigin atap ótken bolatyn. Bul iste menińshe, basqa salalarǵa qaraǵanda, aqparat quraldary úlgi-ónege kórsetýleri kerek», - dep atap ótti mınıstr. «Biz Sizder oqyrmandarǵa taratyp jatqan aqparattaryńyzǵa, sonyń ishinde ashyq qoǵam qurýǵa jáne memleketimizdiń damýyna kómektesetin synı maqalalaryńyzǵa da alǵys aıtamyz», - dedi D. Myńbaı. Saltanatty jıynda 30 respýblıkalyq jáne óńirlik buqaralyq aqparat quraldarynyń basshylaryna qurmet gramotalary tapsyryldy. Olardyń ishinde «Habar» agettigi» AQ, «Ekspress K», «Vremá», Bnews.kz, baq.kz, «Syr medıa» jáne taǵy basqalary boldy.

Avtor: Jasulan Joldybaev

"Qazaqparat"