Ońtústik Qazaqstan oblysyndaǵy "Yntymaq" shekara beketiniń leıtenantyna  belgisiz bireýler shabýyl jasaǵan. Ózbekstanmen irgemizdi bóletin bekettiń ofıseri ol ýaqytta Kókterek aýylynda bolypty. Kólikpen kelgen  belgisiz beseý qarý kezep, ofıserdi soqqynyń astyna alǵan. Ol azdaı, ózderi mingen kólikke kúshtep otyrǵyzýǵa áreket etken kórinedi. Alaıda, sol sátte qorǵaný úshin, qarý qoldanǵan leıtenanttyń oǵy, sol mańaıdan ótip bara jatqan aýyl turǵynyn jaraqattapty. Saldarynan, oq tıgen azamat aýrýhana tóseginde tilge kelmeı, kóz jumdy.

Arqankergennen bastalǵan adam ólimi, aıǵa tolmaı jatyp, taǵy qaıtalandy. İrgemizde taǵy da myltyq atylyp, taǵy bir azamat qańǵyǵan oqtyń qurbany boldy. Shekara qyzmetkerine  qarý kezep, shabýyl jasaǵan top,  ofıserdiń aldymen aspanǵa, artynsha kólik dóńgelegine atqan oǵynan soń, oqıǵa ornynan izderin sýytyp úlgergen. Ultyq Qaýipsizdik Komıteti baspasóz qyzmetiniń habarlaýynsha, qaraqshylyq jasaǵan top mingen kólikten sýyq qarý tabylǵan. Al, túrli dárejedegi jaraqat alǵan ofıserge medısınalyq kómek kórsetilgen.  Qazir bul oqıǵaǵa qatysty tergeý bastalyp, polısıa belgisiz beseýdiń aty jónin anyqtap, qamaýǵa alý sharasyn qolǵa aldy.

31 telearna