Feısbýk áleýmettik jelisinde Mustafa Shoqaı degen atpen tirkelgen jeli qoldanýshysy elimizde qyzý talqyǵa túsip otyrǵan dinı ahýalǵa qatysty erekshe pikir bildirip otyr, - dep habarlaıdy Qamshy.kz.
Qazaqstan musylmandary ustanatyn Ábý Hanıfa mazhabyn salafıtter ǵalymnyń shııt qaýymynan bolýyna baılanysty jaqtyrmaıdy degen oı aıtaly ol. Tómende jeli qoldanýshysynyń atalǵan postynyń tolyq mátinin usynyp otyrmyz.
«Ábý Hanıfa – shııttik ǵalym!
Túrme, kolonıalarda dinı rásimderge shekteý qoıǵannan góri, aǵartý-nasıhat jumystaryn júrgizý qajet dep bilemin.Tek teologtar men dintanýshylar emes, sonymen qatar zaıyrly ustanymy bar, bıik ıntellektýaldy oıshyl- fılosoftar sottalýshylarmen qoıan-qoltyq jumys jasasa durys bolady.
Qazaqstandaǵy kúrdeli dinı ahýaldyń birden bir sebebi áleýmettik-ekonomıkalyq jaǵdaıdyń, ásirese, jastardyń arasynda qıyndyǵynda. Taǵy bir sebep álemdegi dinderdiń nemese dinı aǵymdardyń artynda múddeli toptardyń turǵany eshkimge jasyryn emes. Mysaly, súnnıt baǵytyn ustanatyn «musylman» memleketterimen AQSH odaqtas bolsa, shıızm baǵytyn ustanatyn elderdi Reseı qoldaıdy. Sýnnızmdegi eń iri mazhab bolyp sanalatyn Ábý Hanıfanyń ózi Ahl-Beıittiń erýshisi bolǵan. Ol Paıǵambarymyzdyń (s.ǵ.s.) kúıeý balasy Álıdiń (r.a.) shóberesi Zaıdty qoldap, qarajat berip Ýmaııa áýletine qarsy shyqqan ımam edi.
Ábý Hanıfa senimde (aqıda) shııttik ustanymda ekeni belgili, ustazdary Zeıd ıbn Alı men Djafar al-Sadık (shıǵalar). Sondyqtan da, Ábý Hanıfany onyń mazhabyn salafıtterdiń unatpaı qarsylyq kórsetýi aınalyp kelgende ortaǵasyrdaǵy saıası-bılik qaqtyǵystyń zamanaýı kórinisi dep bilemin. Ýmaııa áýletiniń muragerleri – qazirgi Saýd memleketi. Salafıtterdiń Ábý Hanıfany jek kórýine taǵy bir sebep ol parsy ultynan bolǵan. Namaz taǵy da basqa dinı joralǵylardy ár ult óz tilinde oqý kerek degen tujyrymda bolǵan. Sondyqtan da arab shovınıseri – salafıtter Ábý Hanıfa shıǵa bolǵandyqtan jek kóretinin bireýler bilse de bireýler bilmeıdi. Ábý Hanıfa óte oıshyl, pálsáfáni óziniń dinı metodıkasynda keń qoldanǵan ǵalym ekeni bárine aıan. Ahl-hadıstiń (salafıtterdiń ) Ábý Hanıfany ahl raı (aqylǵa salatyndar) dep unatpaýy taǵy bir dálel».
