Aldymen mynany aıta ketý kerek: Sharıǵatta para berý - haram. «Ar-Rashı ýál Mýrtashı fın nar» degen Paıǵambarymyz. – «Para bergen de, para alǵanda tozaqta».

Keı jaǵdaılarda bolmasa (mysaly, aqysyna qol jetkizý tek para berý arqyly bolyp jatsa, ruqsat. Onda da, bul ózgeniń aqysyn jep, ala jibin attaýǵa ákelip soqpaýy kerek. Jáne de, malyn, janyn arashalap qalý nemese zulymdyqty beıtarap etý sıaqty májbúr jaǵdaılarda bolady), jalpy alǵanda para berý de, para alý da Islamda aýyr kúná. Rıýaıattarǵa qaraǵanda, sahaba Abdýlla ıbn Másǵýd Efıopıa jerinde áldebireýlerdiń jaýyzdyǵynan eki dınar aqsha berip qutylǵandyǵy aıtylady. Ári bylaı degen: "Mundaı jaǵdaıda, kúná alýshyǵa bolady, berýshige emes". 

Sondyqtan da, basqa jumystardy qarastyrǵan durys. Áıtkenmen de, san-saqqa júgirip, otbasy nápaqasyn tabatyn basqa jumys tabylmaı jatsa, amal joq, kúná para alýshyǵa bolmaq. 

Al, alǵan aılyǵy istegen jumysynyń aqysy bolǵandyqtan, onysy - adal.  Eń durysy - Allaǵa málim!

Ósimqorlyqtyń janynda, jemqorlyq pen paraqorlyq ta memleket ekonomıkasynyń berekesin qashyryp, tipti, sal bolyp qalýyna ákep soǵatyn indetterdiń biri. Qazirgi tańda qoǵamymyzda keń etek alǵan mundaı oǵash qylyqtardy boldyrmaý úshin elimizdiń árbir azamaty, árbir jekelegen adam otan aldyndaǵy jaýapkershiligin sezinip, atalmysh haram isterden boıyn aýlaq ustaýlary tıis. 

Abdýsamat Qasym

Materıal Islam.kz saıtynan alyndy