Qazaqstan Respýblıkasy Úkimetiniń 2016 jylǵy 2 qarashadaǵy qaýlysymen Núkenov Abzal Núkenuly Din isteri jáne azamattyq qoǵam jónindegi vıse-mınıstr bolyp taǵaıyndaldy, - dep habarlaıdy Qamshy.kz mınıstrliktiń baspasóz qyzmetine silteme jasap.

Abzal Núkenov 1978 jyly 21 shildede Almaty oblysynda dúnıege kelgen. 2000 jyly ál-Farabı atyndaǵy Qazaq Ulttyq ýnıversıtetin támamdaǵan. Saıası ǵylymdar kandıdaty (2004 jyl).

2000-2005 jyldary «Otan» partıasy Ortalyq apparaty ıdeologıalyq bóliminde sektor meńgerýshisi, 2005-2006 jyldary Almaty qalasy İshki saıasat departamentiniń úkimettik emes uıymdarmen jáne dinı birlestiktermen jumys jónindegi bólim bastyǵy laýazymdaryn atqarǵan.

2006 jyldyń qyrkúıeginde Almaty qalasy Áýezov aýdany ákiminiń orynbasary bolyp taǵaıyndalǵan.

2009-2011 jyldary L. Gýmılev atyndaǵy Eýrazıa Ulttyq ýnıversıteti qazirgi zamanǵy zertteýler ınstıtýtyn basqarǵan.

2011-2016 jyldar aralyǵynda QR Qaýipsizdik keńesinde sektor meńgerýshisi, Sıtýasıalyq ortalyq jetekshisiniń orynbasary, ortalyq jetekshisi laýazymdaryn atqarǵan.