Erterekte egdeleý kelgen bir áıel áriptesim bolyp edi, jasy úlken bolǵan soń jumysta ony bári sılaıtyn. Ol únemi aıtyp júretin "jalǵyz qyzym bar, Anglıada oqıdy, tapqanymdy soǵan jiberem, oqýy óte jaqsy" dep. Oǵan ishteı súıinip tilektes bolatynbyz. Bir kúni álgi aıtty. "Qyzym keler jyly oqý bitirmekshi, oǵan sonda qal dedim, ózińe unaǵan bir aǵylshynǵa tıip al, sonda baqytty bolasyń dedim" dep. Bul sózdi quptap basyn ızegender de tabyldy, biraz qyz jigitter álgi qatynǵa "Nege" dep dúrse qoıdyq . Sondaǵy onyń jaýaby mynaý "Qazaq jigitteri ishedi, bári jalqaý, men olardy jek kórem"... Sol sózden keıin men de ony jek kórdim, Qudaı ońdaǵanda sodan beri jolymyz túıisken joq. Arada biraz jyl ótti, jeksenbi kúni bazarda júrip ony syrtynan kórip qaldym, áli sol qalpy eken, qolynda kóp paketi bar jedel basyp ketip barady. Jortqanda joly bolsyn dedim ishteı. Biraq, eki kúnnen beri meni mazalaǵan, estigennen keıin Sizdi mazalaǵan suaq týyp tur munda: "onyń álgi qyzy ne boldy eken, baqytyn tapty ma eken!"