Buǵan deıin birqatar aqparat quraldary Shyǵys Qazaqstanda bilim berý, mádenıet mekemelerine qazaqtyń uly tulǵalary men kórnekti qaıratkerleriniń esimi beriletinin súıinshileı jazǵan edi. Osy ıgi bastama shyǵystaǵy keı adamdarǵa túrpideı tıgen syńaıly. «Ekspress K» gazetine Semeı qalasynan jetken Ilá Mıller degenniń «A poly myt Baıtýrsynov býdet?» (AL, EDENDİ BAITURSYNOV JÝYP BERE ME?) degen maqalasyn oqyǵannan keıin aıtyp otyrmyz muny.

Avtor oblys basshylyǵynyń sheshimine kóńili tolmaıtynyn bildirip qana qoımaı, bıliktegilerge «Mektep atyn aýystyrǵansha, eden jýýshylarǵa shtat ashyńdar» degenge saıatyn keńes te bere ketipti.

Qazaqtyń aǵartýshy ǵalymyna til tıgizgen Mıllerdiń bul qylyǵyna jeli qoldanýshylary óre túregeldi.

Almasbek Ábsadyq esimdi qoldanýshy: «QAZAQSTANDA ómir súrip, Qazaqstan zańdaryn paıdalana otyryp basylymnyń birinshi betinde memlekettiń eń bıik tulǵalaryna til tıgizý - arsyzdyq belgisi. Eldi, jurtty syılamaýdyń kórinisi. A.Baıtursynuly – Alashtyń uly tulǵasy. Eger «EK» túsinbese, A.Baıtursynuly – orystyń Lomonosovymen teń tulǵa. 
Qazaqtyń uly tulǵalarynyń esimi berilse, qarsy shyǵatyn basylymdar bar. Myna Ilá Mıller sekildi jýrnalıserge memleket qundylyǵyn aıaqqa taptaǵany úshin eskertetin Aqparat jáne komýnıkasıa mınıstrligi, QR Jýrnalıser odaǵy bar ma eken Táýelsiz Qazaqstanda?» dese, Nurqanat Qulabaev esimdi Feısbýk qoldanýshysy «Bulardy da túsiný kerek, Áleke! 1 mekte nemese 1 kóshe qazaqylansa, 100-degen shovınıs ınfarkt alady. Baıqustar kúndiz kúlki, túnde uıqy joq, qan qysymy kóterilip bitetin boldy ábden)» dep qazaq ataýlaryna qarsy shyǵýshylardyń ózin túırep ótipti. 

Gazettiń saıtynda jarıalanǵan maqala