4 qarasha kúni Túrkıanyń ońtústik-shyǵysyndaǵy Dıarbaqyr qalasynda bolǵan jarylysta Qazaqstan azamattary zardap shekken joq. Mundaı aqparat QR Iınvestısıalar jáne damý mınıstrliginiń Feısbýk jelisindegi paraqshasynda ornalastyryldy, - dep habarlaıdy Qamshy.kz.

«Túrkıa Premer-mınıstri Bınalı Iıldyrym eldiń ońtústik-shyǵysyndaǵy Dıarbaqyr qalasynda mına qoıylǵan avtokólik jarylysynan 8 adam qaza taýyp, 100-den asa adamnyń jaralanǵanyn habarlady. QR IDM Týrızm ındýstrıasy departamentine zardap shekken qazaqstandyq týrıser týraly málimet túspegen. Dıarbaqyr kýrortty qala emes jáne eldiń týrısik aýdandarynan alysta ornalasqan. QR IDM Týrızm ındýstrıasy departamenti Qazaqstan Respýblıkasynyń Syrtqy ister mınıstrligimen turaqty baılanysta. QR Iınvestısıalar jáne damý mınıstrliginiń Týrızm ındýstrıasy departamenti Túrkıa aýmaǵynda júrgen qazaqstandyq týrıserdi muqıat bolýǵa jáne saqtyq sharalaryn saqtaýǵa shaqyrady: adamdar kóp jınalatyn oryndarǵa barmańyz, turyp jatqan jerińizden esh sebepsiz ketpeńiz, jergilikti bıliktiń nusqaýlaryna qulaq asyńyz; týroperatorlar Túrkıadaǵy bolýy múmkin qaýipter týraly týrıserdi aqparattandyryp otyrýy kerek», - delingen ornalastyrylǵan habarlamada.