Almaty qalasyndaǵy Baızaqov, Sátbaev kósheleriniń qıylysynda ornalasqan «Almaty Towers» saýda úıinde órt bolyp jatyr, dep habarlaıdy «Qamshy» portaly. Órt bastalǵan tusta Moldash Erkebulan esimdi Facebook qoldanýshysy órt ornynan beınejazba jarıalady. Onyń oıynsha atalǵan nysannyń úshinshi qabatyndaǵy as úıden órt shyqqan bolýy múmkin. Nysannyń jan-jaǵynda joldar jabylǵan. Belgili bolǵandaı Qalalyq TJD-niń málimetinshe, 18.04-te "101" púltine Bostandyq aýdany Baızaqov kóshesi 280 úıde órt shyqty degen habar túsken.
Internette paıda bolǵan beınejazbalardan órt jalynynyń aıtarlyqtaı bıik ekenin baıqaýǵa bolady. Aqparat boıynsha oqıǵa orynan adamdar evakýasıalanǵan. Zardap shekkender týraly ázirge aqparat joq.
