Sońǵy ýaqytta jıi estıtin jańalyqtyń biri- maldan shyqqan aýrý.  Qarasany bir, topalańy bar, aýsyly bar. Áıteýir iri qara mal aýrýdan bir arylmaı-aq qoıdy. Biz ádette oqıǵanyń saldarynan ǵana qorytyndy shyǵaramyz. 2016 jyl Qaraǵandy, kúıdirgi juqtyrǵan eki oshaq. Biri –Shet, ekinshisi –Aqtoǵaı aýdany. Oqıǵa saldarynan bir adam kóz jumdy. Pavlodarda da kúıdirginiń bir oshaǵy anyqtaldy, bir adam qaıtys boldy. osy oqıǵalardan  keıin úkimet indettiń qaıdan jáne qalaı shyqqanyn zertteı bastady. Burynǵydaı emes, qazir maldarǵa ekpe salynady, shetten ákeletin maldar joq. Biraq, bir jylda tórt oshaqtyń shyǵýy alańdatpaı qoımaıdy. Sebeptiń biri mal kómetin qorymdarda bolýy múmkin degen boljam jasaldy. Kúıdirginiń taıaqshalary jerge kómilse de, júz elý jylǵa deıin ólmeıdi. Aýrý qozdyrǵyshy kez-kelgen sátte kóterilýi múmkin. Sondyqtan aýyl sharýashylyǵy mınıstrligine bes aı ishinde barlyq mal kómindilerin taýyp, arnaıy belgi qoıý júkteldi.

Saltanat Ábilqasymova, QR ASHM Veterınarlyq baqylaý jáne qadaǵalaý komıteti, Basqarma  basshysy: Qazirgi tańda respýblıka boıynsha bizdiń kadastr boıynsha 2206 oshaq tirkeldi, 1592 oshaq qorshalyp, oǵan tıisti eskertý belgileri qoıylǵan.

Eseptep kórsek, aýrý qozdyrǵysh  500-ge jýyq koordınaty áli belgisiz. «Qaýip joq deme, jer astynda».  Ulttyq arna jýrnalısi Aınur Omar apta boıy qaýipti qorymdardy aralaǵan.  Qaýipti qorymdar  týraly  tolyq aqparatty tómendegi beınesújette aıtylǵan. 

Materıal "Qazaqstan" ulttyq arnasynyń saıtynan alyndy.