Qazaqstannyń İshki ister mınıstrligi sottalýshylarǵa jumsalatyn qarajat somasyn jarıa etti. Belgili bolǵandaı, ár sottalýshyǵa memlekettik qazynadan jylyna 800 myń teńge shamasynda aqsha bólinedi. Kúlekbaevqa da osyndaı soma jumsalmaq. Bul týraly  Qamshy.kz portaly  Nur.kz saıtyna silteme jasap habarlaıdy.

Mınıstrliktiń aqparatyna sáıkes, sottalýshy ólim jazasy zańdy kúshke engenge deıin oqshaýlaǵyshta bolady. Keıin túrmege jiberiletin Kúlekbaev ómiriniń sońyna deıin qamalady.

Quzyrly mekeme Kúlekbaevtiń qaı túrmege jabylatynyn aıtpaǵanymen, ómir boıyna sottalǵandar búginde Qostanaı oblysyndaǵy "Qara búrkit" atymen tanymal túrmege toǵytylatynyn alǵa tartty.

İİM barlyq sottalýshylardy qamatamasyz etý sharttary birdeı ekenin eskertip, Kúlekbaevtyń tirshiligine jyl saıyn shamamen 800 myń teńge jumsalatynyn rastady.

«Bir sottalýshyny qamtamasyz etý úshin belgilengen soma sottalýshylardyń barlyq deńgeıine birdeı. Búginde ol jylyna shamamen 800 myń teńgeni quraıdy», - deıdi İİM memlekettik til jáne aqparat departamentiniń dırektory Almas Sadýbaev.

Eske salsaq 2 qarasha kúni Rýslan Kúlekbaev ólim jazasyna kesilgen bolatyn. Ol ońasha kameraǵa qamalady.