Keshe Aqjaıyq aýdany Esensaı aýylynda qaıǵyly oqıǵa oryn aldy, dep habarlaıdy Qamshy.kz QazAqparatqa silteme jasap.

 Esensaı orta mektebiniń 11-synyp oqýshysy, 1999 jylǵy qyz bala saǵat 09.30 shamasynda óz úıiniń aýlasynda asylyp qalǵan. BQO İİD jergilikti polısıa qyzmeti ıývenaldyq polısıa bóliminiń basshysy Rýslan Ǵalıevtiń aıtýynsha, marqum eshteńe jazyp, qaldyrmaǵan. Tolyq otbasynda tárbıelengen qyz mektepte jaqsy oqyǵan. Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn, 23 qyrkúıek kúni Jańaqala aýdany Jańajol aýyldyq okrýginde Aıdarhan orta mektebiniń 7-synybynda oqyǵan 12 jasar ul bala jáne 21 qazan kúni Oralda №39 orta mektepte bilim alǵan 2001 jylǵy 15 jasar qyz osylaısha óz ómirin qıǵan bolatyn. Al toǵyz aıda oblys kóleminde jasóspirimder arasynda osyndaı 10 derek tirkelgen.