Qarashanyń 9-10 aralyǵynda Ǵ.Músirepov atyndaǵy Qazaq memlekettik akademıalyq balalar men jasóspirimder teatrynda keshki saǵat 18:30-da «Sýper Jeńgetaı Serkesh» komedıaly qoıylymynyń premerasy bolady,- dep habarlaıdy Qamshy.kz portaly.
Qoıýshy-rejısser Qazaqstannyń eńbek sińirgen qaıratkeri, Táýelsiz «Tarlan» syılyǵynyń ıegeri – Janat Hadjıev, Qoıýshy - sýretshisi mádenıet qaıratkeri Serikqan Omarov.
Zamannyń sıqy osy ma?.. Adamılyqtyń quny qaısy?.. Baılyqtyń býy, aqshanyń taby kisini isindirmeı qoıýy múmkin be?.. Jyltyraqqa áýestik, jaǵympazdyqpen satylaý, eńbeksiz tegin mal tappaq áýselemizdi kóterip, kósegemizdi kógertpek pe?!
Mine, osy zamanǵy túıtkildi suraqtardyń tórkini osyndaı bolyp keledi. Biraq, biz báribir, túptiń-túbinde adamılyq qundylyqtyń saqtalǵanyn qalaımyz. Sońǵylyǵynda, solaı bolady da...
Qurmetti, kórermen! Oıly kúlkige qurylǵan komedıalyq qoıylymnan oı túıgińiz kelse, «Sýper Serkeshti» kórińiz! Bul – búginginiń kóp keıipkerleriniń biri.
