Akter Tuńǵyshbaı Jamanqulov pen mınıstr Arystanbek Muhamedıulynyń arasyndaǵy  daý áli de aıaqtalar emes. Buǵan qatysty T. Jamanqulov elbasy  atyna úndeý joldap, arasha túsýin suraǵan edi. Osy vıdeoǵa qatysty Muhamedıuly BAQ ókilderine óz pikirin bildirdi,- dep habarlaıdy Qamshy.kz. 

Atalǵan vıdeoúndeýge qatysty mınıstr jaýap berdi. Meni ne nárseni ótkerip jatqanymdy ózderińiz kórip otyrsyzdar.  Ol vıdeoúndeýdiń ýaqytynyń qashan shyqqanyn qarańyzdar dep, budan bólek sońǵy bir jyl ishinde birneshe úndeýler jazylǵan dedi. Osylaısha ár túrli qylmystyq jaýapkershilikke tartylǵanyn aıtady. Tipti bir jyl ishinde osyndaı árekettermen Reseı kompanıasyna 450 mln teńge paıda keltirgisi kelgenderin atap ótti. 

Esterińizge salsaq, búgin Tuńǵyshbaı Jamanqulovtyń Elbasyna arnap jazǵan vıdeo málimdemesi paıda bolǵan. Vıdeoda akter Mádenıet mınıstri Arystanbek Muhamedıulymen bas arazdyǵynyń bolǵanyn, fılmge bólingen qarajatty «Qazaq eli» serıalyna aýdaryp jibergenin, Talǵat Jánibekovtiń shalys basyp, mınıstrdi aıyptap aǵat qylyq jasaǵanyn, óziniń Eńlik Sydyqovany qorǵap, jýrnalıske vıdeo suhbat bergenin, Arystanbek Muhamedıulymen túsinisý úshin Astanada kezdeskenin, keshirim suraǵanyn moıyndaı otyryp, biraq mádenıet mınıstriniń mámileden bas tartqanyn, «bala-shaǵań qańǵyryp qalady» dep qoqan-loqqy kórsetkenin, qısynsyz aıyp taǵyp, talap qoıǵanyn aıtqan.