Keshe ǵana qamal alatyn 40 jas toıyn  toılaǵan Meırambek Bespaevtyń kezekti bıi ǵalamtorda taralyp ketti,- dep habarlaıdy Qamshy portaly.

Buǵan deıin inisi Meıirbek Bespaevtyń úılený toıynda bılegen bıi hıtke aınalyp, áleýmettik jel qoldanýshylaryn ánimen ǵana emes, bıimen de bir súısintken  bolatyn.  Meırambektiń qaıyn ata atanyp jatqandaǵy bıi jeli qoldanýshylarynyń biraz talqysyna túsip, synı pikir bildirgenderde bolǵan.

31 arnanyń «Aıta bersin» baǵdarlamasyna bergen suhbatynda ánshi vıdeony kimniń túsirgenin bilmeıtinin, alaıda eshkimge de renjimeıtinin aıtqan.

«Endi árqaısysynyń telefonyna men qaqpaq bola almaımyn ǵoı. Toıdyń kórinisteri, onda turǵan eshteńe joq dep oılaımyn. Ketse ketip qalǵan shyǵar. Kim bılemeıdi? Qýanǵan kezde bárimiz de bıleımiz. Sondaı sátter ǵoı», – dep aıtqan edi.

Jelide Meırambektiń kezekti bıi qyzý talqyǵa salyndy. Ánshi óziniń 40 jas mereıtoıynda bıden shashý shashty. Vıdeodan ánshiniń mereıtoıyna shoý-bıznes ókilderiniń barshasy barǵanyn ańǵarýǵa bolady. 

Bespaevtardyń áýletine jaqynda ǵana túsken kelin Rabıǵa ınstagram paraqshasynda  qaıyn atasynyń  40 jasyndaǵy eń úlken syılyǵy 115 jyldan beri atadan balaǵa mura bolyp kele jatqan qasqyr ishikti  ıelengenin jetkizip, áýlettiń qundy murasy qaıyn atasyna buıyrǵany, toıdyń erekshe syıy degen.