Tekseristerdi uıymdastyryp otyrǵan Shyǵys Qazaqstan oblysynyń prokýrory Taımbetov Baǵban Taımbetuly
Bizdiń, ıaǵnı Aıdyn Egeýbaev, Maqsat İlıasuly Bas prokýratýraǵa qaıta-qaıta jazǵan aryzdarymyzdyń, hattarymyzdyń nátıjesinde Shyǵys Qazaqstan oblysynyń prokýratýrasy qytaıdyń «Ýeız grýpp» kompanıasynyń 45% úlesi bar «Bátýa» seriktestigine qatysty prokýrorlyq tekserister júrgizip jatyr. Tekserý barysynda belgili bolǵandaı, (oblystyq 1-shi basqarma prokýrory Konyrov Jandos) oblys ortalyǵynda ornalasqan «SHQO Kásipkerlik jáne ındýstrıalyq-ınnovasıalyq damý basqarmasy» MM men «SHQO Energetıka jáne turǵyn úı-kommýnaldyq sharýashylyq basqarmasy» MM basqarmalardyń SHQO prokýratýrasyna bergen jaýabynyń nátıjesi men oblys ákimderiniń halyqqa bergen esebimen, oblystyń baspasóz qyzmeti jáne QazAqparat agenttigi taratqan málimetter bir-birine qarama-qaıshy bolyp otyr.
Ákim Berdibek Saparbaev, QR ASHM Sý resýrstary komıtetiniń tóraǵasy Islam Ábishev "Bátýa" JSHS dırektory Asqar İzimǵalıevpen birge
Birinshiden: Shyǵys Qazaqstan oblysynyń ákimi BERDİBEK MASHBEKULY SAPARBAEVTYŃ halyq aldyndaǵy esebi Óskemen qalasynda 2013 jylǵy 20 aqpanda saǵat 11.00 –de S. Amanjolov atyndaǵy Shyǵys Qazaqstan memlekettik ýnıversıtetiniń №5 ǵımaratynda ótken jıynda: http://www.akimvko.gov.kz/kz/otchetnyie-vstrechi-akimov/2013.html
«Úsh jyl ishinde (2010,2011, 2012 jyldar bolsa kerek «A.E») Indýstrıalandyrý kartasy sheńberinde 195,4 mlrd. teńgege 29 ınvestısıalyq joba engizildi.
3 myńnan astam jumys oryndary quryldy, búdjetke túsken salyq túsimderiniń kólemi 1,7 mlrd. teńge qurap, 1 jumyspen qamtylǵanǵa shaqqanda eńbek ónimdiligi 25,9 % ósti.
Jalpy agroónerkásiptik keshen boıynsha oblysta 11,4 mlrd. teńge somasyna 119 ınvestısıalyq JOBA İSKE ASYRYLDY. İske asyrylǵan jobalardyń ishinde neǵurlym mańyzdylary – quny 3,1 mlrd. teńge «Óskemen qus fabrıkasyn qaıta qurý jáne jańǵyrtý» jobasy, quny 500 mln. teńgeden astam «Bobrovka plús» JSHS «400 bas sıyrǵa arnalǵan sút-taýar fermasyn qurý», jobanyń birinshi satysynyń quny 1350 mln. teńge Semeı qalasyndaǵy «Shyǵys Boıler» JSHS «Jumyrtqa baǵytyndaǵy qus fabrıkasyn broıler eti óndirisine qaıta beıindeý», quny 1450 mln teńge Úrjar aýdanynda «BATÝA» JSHS soıa óndirisi úshin sýarý jelisi men oǵan ınfraqurylym qurý» dep málimdegen. Ekinshiden: Shyǵys Qazaqstan oblysynyń 2015 jylǵy áleýmettik- ekonomıkalyq pasportynda: «Birinshi jáne ekinshi bes jyldyq sheńberinde İSKE ASYRYLǴAN JOBALAR» tiziminde «Indýstrıalyq-ınnovasıalyq damý baǵdarlamasy boıynsha Úrjar aýdany boıynsha «Batýa» JSHS Úrjar aýdanynda plasıkalyq qubyrlarynyń óndirisi úshin 745,3 MLN. TEŃGE BÓLİNDİ»,-dep kórsetilgen.
«Batýá» JSHS-men óndirilgen plasıkalyq qubyrlardyń kólemi 94,0 mln. teńge qurady, 2012 jyldyń deńgeıinen 3,8 ese kóp»,- deıdi resmı qujatta.
Úshinshiden: «Qazaqstandyq matematık Úrjarda ıen qalǵan jerdi jasyl alqapqa aınaldyrdy» http://inform.kz/kz/kazakstandyk-matematik-urzharda-ien-kalgan-zherdi-zhasyl-alkapka-aynaldyrdy_a2689275 degen taqyrypta «Almatydan matematık Asqar İzimǵalıev úrjarlyq 300 ga qaraýsyz jerdi tamshylatyp sýarý tehnologıasyn qoldanyp, soıa burshaǵy alqabyna aınaldyrdy. 2011 jyly qurylǵan «Batýa» sharýashylyǵy osy jyldary 7 myń gektardan astam jer ıgerdi, ol jerde sonymen birge bıdaı, kúnbaǵys, júgeri jáne suly ósiriledi. Budan basqa, «Batýanyń» basshylary qubyr óndiretin zaýyt saldy, 5000 jumyskerge arnap vahtalyq kent qurdy, onda asqana, qonaqúı, jataqhana bar, aýyl sharýashylyǵy tehnıkasyn jóndeıtin zamanaýı baza da salynǵan.
Ótken jyly quny 3 mlrd. teńgeden asatyn «Batýa» kompanıasynyń bul jobasy QR Indýstrıalandyrý kartasyna endi. Kásipkerler bir jarym mlrd. teńge ıgerdi, shetelde shyǵarylǵan 16 sýarý júıesi men tamshylatyp sýarý júıesin SATYP ALYP, ORNATTY.
Asqar İzimǵalıev «Soıa alańynda» tikeleı sýarmaly jerdi damytý jónindegi respýblıkalyq semınarǵa qatysýshylardy «Batýa» sharýashylyǵyndaǵy jańa tehnologıalarmen tanystyrdy. QR ASHM Sý resýrstary komıtetiniń tóraǵasy Islam Ábishev pen óńir ákimi Berdibek Saparbaevqa «soıa alańy» maýsymyna 7 ret sýarýdy talap etiletinin aıtty.
Óz kezeginde, óńir ákimi B. Saparbaev agrarshylardy «sheteldikterden jáne otandyq jas fermerlerden eńbekti uıymdastyrýdy, kásibı biliktilikti úırenýden ımenbeýge shaqyrdy. «Agrobıznes-2020» memlekettik baǵdarlamasy 50 paıyzǵa deıin sýbsıdıa alýǵa múmkindik beredi, halyqty oıatý qajet»,-dedi ol.
Berdibek Saparbaev myrza «Bátýa» JSHS týraly bilmeıtinin, tanymaıtynyn, kórmegenin aıtyp edi...
"Bátýa" JSHS 10 mlrd. teńge jumsalǵan qubyr zaýyty.
Tórtinshiden:
2015.02.26 Akım VKO Danıal Ahmetov prınál glavý kresánskogo hozáıstva «Bátýa» Nýrlana Bıadılova
Vo vremá vstrechı bylı obgovoreny mery dalneısheı gosýdarstvennoı podderjkı TOO «Bátýa», kotoroe spesıalızırýetsá na vyrashıvanıı soı, ıspolzýıa metody kapelnogo ı dojdevalnogo oroshenıa. Za perıod deıatelnostı hozáıstvom prodelana rabota po podnátıý 8 tysách ga selınnoı zemlı v otdalennoı mestnostı Ýrdjarskogo raıona. ZDES POSTROEN EDINSTVENNYI V RESPÝBLIKE ZAVOD PVC TRÝB. Obem ınvestısıı sostavıl 6 mlrd. tenge. Krome togo, prıvlecheny ınostrannye kredıty v sýmme 20 mln. dollarov SSHA. Sozdano bolee 200 rabochıh mest. Pres-slýjba akıma VKO
Atalǵan málimetterge berilgen tekseristiń nátıjesi
«Shyǵys Qazaqstan oblysy kásipkerlik jáne ındýstrıalyq-ınnovasıalyq damý basqarmasy» MM SHQO prokýratýrasyna bergen jaýabyna súıensek 15.08. 2013 kúni oblys ákimi tóraǵalyǵymen ótken arnaıy komısıa hattamasymen QR ındýstrıalyq karta baǵdarlamasy boıynsha «Bátýa» JSHS 745,3 mln teńge kóleminde plasıkalyq trýba shyǵarý óndirisine qarjy berý týraly sheshim qabyldanǵan. Bul jobany QR Indýstrıalar jáne damý mınıstri A. Raý bekitedi. Alaıda, «Shyǵys Qazaqstan oblysy kásipkerlik jáne ındýstrıalyq-ınnovasıalyq damý basqarmasy» MM arnaıy komısıa qol qoıyp, mınıstrlik bekitken jospar boıynsha bólingen qarjyny «Bátýa» JSHS ALMAǴAN-MYS. Memlekettik baǵdarlamaǵa kirgen joba, seriktestiktiń óz qarajatymen júzege asyrǵan deıdi.
Bul jerde mynandaı suraq týyndaıdy:
QR INDÝSTRIALANDYRÝ KARTASYNA ENİP, OBLYS BASSHYSY, QR INDÝSTRIALAR JÁNE DAMÝ MINISTRLİGİ BEKİTKEN QARJYLAI KÓMEKTİ «BÁTÝA» JSHS NEGE ALǴAN JOQ?
QR Indýstrıalandyrý karta aıasynda eshqandaı qarjy almasa ol baǵdarlamaǵa kirýdegi maqsat qandaı boldy? Bul suraqtyń jaýabyn QR Indýstrıalar jáne damý mınıstri A. Raýdan jáne oblys basshysynan, «Bátýa»JSHS basshylarynan qosymsha saýal jasap biletin bolamyz.
2015 jyly «Bıznestiń jol kartasy-2020» baǵdarlamasy aıasynda «Bátýa» JSHS elektr qýatymen qamtamasyz etý úshin VL-35 kv. qýatty PS 35/10 kv elektr stansıasyn salý úshin 387 mln. teńge bóledi delingen suraqtyń jaýaby:
«SHQO Energetıka jáne turǵyn úı-kommýnaldyq sharýashylyq basqarmasy» MM bergen aqparattaryna súıensek, bul joba « Jol kartasy 2020» aıasynda júzege asyrylyp, Qazaqstan Respýblıkasynyń Ulttyq ekonomıka mınıstrligi 2014.04.29 kúni qoldaý taýyp, 344 782.0 TEŃGE QARJY BÓLİNEDİ. Alaıdy bólingen qarjyny, ekspertızanyń qortyndysy durys bolmaı sol jerde mamandar baıqap qalyp toqtatyp tastaıdy. Sol sebepten BÓLİNGEN QARJY QAITADAN BÚDJETKE QAITARYLADY.
Bul jerde týyndaıtyn suraq, ULTTYQ EKONOMIKA MINISTRLİGİ BÓLGEN QARJYNYŃ QUJATTARYNYŃ DURYSTYǴYN QANDAI EKSPERTTER TEKSERGEN? QUJATTAǴY KEMSHİLİKTER QARJY BÓLİNGENGE DEIİN NEGE TEKSERİLMEGEN? Bul suraqtardyń jaýabyn qosymsha habarlaıtyn bolamyz.
Al, joǵarydaǵy Berdibek Saparbaevtyń halyqqa esebinde, resmı qujattarda «JOBA İSKE ASYRYLDY», «SÝARÝ JÚIESİ SATYP ALYNYP, ORNATYLDY», «QUBYR ZAVODY SALYNDY, 200 ADAM JUMYS İSTEP JATYR» dep málimdegen.
Oblys ákimi, mınıstrlikter qarjy bólindi, ıgerildi, jumys oryndary ashyldy dese, basqarmalar bólingen qarjyny «Bátýa» JSHS almaǵanyn málimdeýde.
Bul jerde kimdi kimniń aldap, kimniń jalǵan aqparat taratyp otyrǵany qazirshe belgisiz.
Qoryta kelgende, SHQO Úrjar aýdanyndaǵy 91 443,1 ga jerdiń memleketke qaıtarylatyny nemese sol qalpynda qalatyny belgisiz. Sot isi jalǵasýda. Resmı organdar «Bátýa» JSHS qarjylyq aınalymyn, nesıeler men sýbsıdıalardy zańdy nemese zańsyz alǵanyn anyqtaýǵa qulyqty bolmaı otyr. Endi áry qaraı SHQO Besqaraǵaı aýdanyndaǵy «Long Xin» JSHS Qytaı kompanıasy ıelik etip otyr delingen 15 000 ga, Úrjar aýdany boıynsha 91 443,1 ga jerlerdi alý men paıdalanýdaǵy zańsyzdyqtardy tekserýge bara jatyrmyz.
Tekseris barysyn jarıalap otyramyz...
Aıdyn Egeýbaev, Maqsat İlıasuly "Alash joly" halyqtyq qozǵalysy
