Donald Tramp AQSH-tyń 45-shi prezıdenti boldy. Endi AQSH-tyń birinshi hanshaıymy burynǵy model Melaná Tramp bolady. Donald Tramppen birge Aq úıge sulý áıeli de kóship barady.
Melaná Tramp buryn Melaná Knavs bolǵan. Ol 1970 jyly Slovenıada dúnıege kelip, Nú-Iorkte model retinde jetistikke jetedi. Vogue, Harper’s Bazaar, Vanity Fair sekildi ataqty jýrnaldardyń bas betterine shyǵady, al 2000 jyly Sports Illustrated Swimsuit Issue jýrnalynda Melaná Tramptyń sýretteri jarıalanady. Bul úlken jetistik dep esepteledi.
1999 jyly Tramppen tanysady. Osylaısha, Tramp shetelde týǵan jubaıy bar prezıdentter tiziminde ekinshi adam bolyp otyr. Birinshisi AQSH-tyń altynshy prezıdenti Kýıns Adams bolǵan, onyń áıeli Lýıza Adams Anglıada dúnıege kelgen eken.
Melaná tramp ulybrıtanıalyq GQ jýrnalymen jumys isteı bastaıdy da, osy basylym úshin sheshinip túsken sýretteri 2000 jylǵy qańtar aıynyń basylymynda jarıalandy. Osylaısha, ol AQSH prezıdentiniń jalańashtanyp túsken alǵashqy áıeli bolyp otyr.
Tramp jáne Melaná 2005 jyly 22 qańtarda otbasyn qurady. Úılený toıynda qalyńdyq quny 100 myń AQSH dollary bolǵan kóılek kıgen eken. AQSH-yń burynǵy prezıdenti Bıll Klıntonnyń jubaıy Hılları toıda qonaq bolǵan eken.
2006 jyly 20 naýryzda dúnıege ul bala kelip, onyń atyn Berron Ýılám Tramp qoıady. Melanıdiń birinshi uly Berron - Donald Tramptyń besinshi balasy. Donald Tramptyń Melanıge deıin eki áıeli bolǵan.
«Donald Tramp amerıkandyqtardy jaqsy kóredi jáne olarǵa kómek kórsetkisi keledi. Eger Tramp jeńse, men ony qoldap, Bettı Ford, Djekı Kennedılerdeı laıyqty jubaı bolamyn», - degen bolatyn AQSH-tyń birinshi hanshaıymy.
Qamshyger: Daıana Ishanhan
