Shyǵys Qazaqsandaǵy Baqty keden beketinde 85 dana qymbat ishik tárkilendi. Árqaısynyń quny 150 myń teńgeden asatyn kıimderdi aǵaıyndy eki jigit qarapaıym qol júgi retinde eshbir kedendik rásimdeýsiz alyp ótpek bolǵan.

Kedenshiler olardyń sómkelerin aqtara kele, áıelderdiń kóz jaýyn alatyn qystyq kıimderdiń nebir túrin shyǵardy. Tondar qarakúzen, sýyr, túlki sıaqty ańdardyń bútin terilerinen tigilgen. Sóıtip saýdagerler 2 jarym mln teńge kedendik tólemnen jaltarmaq bolǵan. Sondaı-aq Óskemende taǵy bir iri kontradandısttiń joly kesildi. Elimizdiń ózen-kólderinde qoldanaýǵa múldem tyıym salynǵan balyq aýlaý quralyn satýmen aınalysqan Qytaı azamaty ustaldy. Qaladaǵy qonaqúılerdiń birinde otbasymen turyp jatqan qytaılyq qoıma jaldap, onyń ishin jińishke neılondy aýǵa toltyryp tastapty. Qytaı azamatynan jalpy quny 40 mln teńgege tartatyn 20 myń tor tárkilendi.

Elmıra Ahmetova

Ktk telearnasy