Qaraǵandyda Maqajanov atyndaǵy klınıkada «Saran» shahtasynyń 52 jastaǵy jumysshysy qaıtys boldy, dep habarlaıdy QazAqparat.
«Saran» shahtasynda» zardap shekken bir jumysshy 1964 j.t. Mıhaıl Patın kóz jumdy. Ol ranımasıaǵa aýyr halde túsken bolatyn. Dárigerler onyń ómirin saqtap qalýǵa baryn saldy, biraq jaraqattary tym aýyr edi», - deıdi oblystyq densaýlyq saqtaý basqarmasynyń baspasóz hatshysy Aıjan Isa. Buryn habarlanǵanyndaı, 10 qarashada Qaraǵandy oblysyndaǵy «ArselorMıttal Temirtaý» AQ kómir departamentiniń «Saran» shahtasynda apat boldy, úsh adam qaza taýyp, bes adam zardap shekti. Sot aldy tergeý bastaldy. Bul fakti QR QK 156-baby 4-bólimi boıynsha Saran İİB biryńǵaı sot aldy tergeý tizilimine tirkeldi. Qaraǵandy oblysy İİD tergeýshileri ishinen sotqa deıingi tergeý toby quryldy. Tergeý barysy oblys prokýratýrasynyń baqylaýynda.
