Qazaqstan Respýblıkasynyń 25, Sberbanktiń 175 jáne Sberbanktiń Qazaqstandaǵy 10 jyldyǵyna oraı Á.Qasteev atyndaǵy murajaıǵa kirý tegin bolatyn boldy. 12 qarashadan bastap 30 qarashaǵa deıin kez kelgen tilek bildirýshi Qazaqstan Respýblıkasynyń memlekettik Ábilhan Qasteev atyndaǵy óner murajaıyndaǵy Qazaqstannyń, Eýropa jáne Azıa elderiniń óner týyndylarymen tanysa alady, - dep habarlaıdy Qamshy.kz.
Aksıa kezinde murajaıǵa kelýshiler turaqty ekspozısıamen qatar Demen Hersttyń «Jańa din» atty kórmesin de kóre alady.
Demen Herst "Sunday Times" baǵalaýy boıynsha qazirgi zaman sýretshileriniń arasyndaǵy eń baı ári álem boıynsha suranysqa ıe sýretshilerdiń biri. Onyń «Jańa din» atty kórmesinde jibek-trafaretti baspa men músinder usynylady. Brıtandyqtyń týyndylary adamnyń ólim-jitimi men onyń ǵylym men tehnıkaǵa degen bar yntasyn kórsetedi.
«Adamdardyń óner álemimen tanysýy, sol arqyly ózderiniń ishki dúnıelerin baıytýy óte mańyzdy. «Baılyq» sózi Sberbankpen qatar qoldanylǵan kezde eń aldymen materıaldyq qundylyqtar retinde qabyldanatyny anyq, alaıda bizdiń qyzmetimiz adamdardyń ómirine barynsha kóp materıaldyq emes ıgilikterdi alyp kelgenin qalaımyz», - dep atap ótti "Sberbank" AQ EB Basqarma Tóraǵasynyń orynbasary Nursultan Taskaranov.
Á.Qasteev atyndaǵy memlekettik óner murajaıynyń dırektory Gúlmıra Shalabaevanyń aıtýynsha, Sberbank uıymdastyryp jatqan aksıanyń arqasynda óner men mádenıetke degen qyzyǵýshylyq arta túspek. Gúlmıra Shalabaeva óz atynan Sberbank uıymyna alǵysyn aıtyp, tańdanysyn bildirdi. Onyń oıynsha materıaldyq qundylyqtardy saqtaý uıymynyń mádenıetke kóńil bólýi qýanatyn jaıt.
(Kelýshiler arasynda oıyndar oınatylyp, jeńimpazdarǵa bank tarapynan syılyqtar berildi)
Kelýshiler de osyndaı is-sharanyń ótip jatqanyna máz-meıram. «Búgingi tańda murajaıǵa kirý bıletteri qymbattap ketti, osyǵan oraı zeınetkerler men jumys istemeıtin adamdardyń murajaıǵa kelip, óner týyndylarymen tanysýǵa múmkindikteri bola bermeıdi. Sondyqtan Sberbanktiń osyndaı is-shara uıymdastyryp jatqanyna óte qýanyshtymyz» - deıdi zeınetker Ekaterına hanym.
