Boranǵa baılanysty Shyǵys Qazaqstan oblysynyń aýmaǵynda eki joldyń ýchaskesinde kólik qozǵalysy shekteldi, dep habarlaıdy QazAqparat.
«Qazaqavtojol» RMK málimetine qaraǵanda, tolassyz jaýǵan qar men boran saldarynan búgin saǵat 08:00-den bastap barlyq kólik túrleri úshin «Óskemen - Shemonaıha - RF shekarasy» avtojolynyń 108-123 shaqyrymyndaǵy Shemonaıha men Reseı shekarasy aralyǵyndaǵy jol jabyq tur. Sonymen qatar, saǵat 06:00-dan beri «Óskemen - Zyránovsk - Qatonqaraǵaı-Rahmanov bulaǵy» avtojolynyń 6-66 shaqyrymynda da kólik qozǵalysyna shekteý engizildi. Respýblıka boıynsha qozǵalysty shekteý kartasyna qaraǵanda, qazirgi ýaqytta elimizdiń ózge óńirlerinde joldar ashyq.
