Úndistanda aýyl turǵyndary 6 jasar balany Qudaı retinde kórip, oǵan tabynyp júr. Turǵyndardyń pikirinshe, Pranshýdyń tánine úndisterdiń bir Qudaıynyń jany qonǵan bolýy múmkin. Sebebi onyń syrt kelbeti Ganesh Qudaıyna qatty uqsaıdy. Pranshý Pendjabtaǵy Djalanhar (Jalandhar) eldi-mekeninde turady. Dúnıege kelgen kezinde-aq onyń kózderi qysyńqy ári mańdaıy isińki bolǵan. Dárigerler onyń densaýlyǵyna qatysty naqty baılamǵa kele almaǵan-dy, dep jazady óz derekkózine súıengen muslim.kz.

Onyń erekshe bet-álpetine zer salǵan aýyl turǵyndary jas balany Qudaıǵa teńep, oǵan «Lord Ganesh» (avt. Ganesh – úndister tabynatyn Qudaılardyń biri) dep at bergen. «Ol – Qudaı. Basqa adamdar sıaqty men de oǵan tabynamyn. Sebebi onyń denesi Ganesh Qudaıynyń músininen aýmaıdy», – dep atap ótti jigittiń ákesi.  «Meniń túr-álpetim Ganeshke uqsaıdy, adamdar meniń shynaıy esimimdi de bilmeıdi. Mekteptegi ustazdarym da maǵan qulshylyq jasaıdy. Al dostarym meni Qudaı sanaǵandyqtan, menimen oınap nemese qorqytpaıdy. Adamdar meni Ganesh Djı dep ataǵan kezde ózimdi baqytty sezinemin. Men tek soǵan uqsaǵym keledi. Úlken basyma da, bet-álpetime de dán rızamyn», – dep atap ótti kishkentaı Pranshý.