Mádenıet jáne sport mınıstri Arystanbek Muhamedıuly "jynystyq bopsalady" dep aıyptaǵan Eńlik Syzdyqovany sotqa berdi, - dep habarlaıdy «Qamshy» portaly Tengrinews.kz-ke silteme jasap.

Sottaǵylardyń aıtýynsha, joǵary laýazymdy sheneýniktiń isi óndiriste. Muhamedıuly qyz QR Qylmystyq kodeksiniń 130-baby boıynsha jaýap berýi tıis dep esepteıdi. Naqtyraq aıtsaq, bul bap - Jala jabý, ıaǵnı Kópshilik aldynda nemese buqaralyq aqparat quraldaryn nemese telekomýnıkasıalar jelilerin paıdalana otyryp basqa adamnyń abyroıy men qadir-qasıetine nuqsan keltiretin nemese onyń bedelin túsiretin kórneý jalǵan málimetter taratý. Bul baptyń jazasy - eki myń aılyq eseptik kórsetkishke deıingi mólsherde aıyppul salý ne sol mólsherde túzeý jumystaryna ne eki jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý.

Al áleýmettik jelilerde Sydyqovany qylmystyq jaýapkershilikke tartý boıynsha qujat taralyp jatyr. Muhamedıulynyń bul shaǵymy Astananyń №2 Esil aýdandyq sotynda qaralyp jatyr delinedi. 16 qarashada Muhamedıuly men Sydyqova is materıaldarymen tanysý úshin jáne shaǵymnyń kóshirmesin alý úshin, quqyqtaryn túsindirý úshin sotqa keledi.