Bıylǵy jyly "Almaty Arena” muz saraıynda Qaırat Nurtas pen reseılik ánshi Fılıpp Kırkorovtyń konserti ótpek. Bul týraly Stan.kz habarlaıdy.

Jańalyqty Almaty qalasynyń ákimi Baýyrjan Baıbek úkimet otyrysy kezinde baıandap berdi.

"Jańa nysanda belsendi jumys júrip jatyr. 5 qarashada "Almat Arenada” syrǵanaý maýsymy ashylǵan bolatyn. Munda birqatar sharalar ótip úlgerdi, onyń ishinde Almatynyń myń jyldyǵyn toılaý, Mýzzon mýzykalyq syılyǵyn tabystaý jáne Qanat Islamnyń jekpe-jegi bar. Bul sharalardyń barlyǵynda zal toly boldy. Bizde bılet 100 paıyz satylyp ketedi”, – dedi ákim.

Onyń sózinshe sport kesheninde jyl sońyna deıin 8 iri is-shara bolmaq.

"Bul fýtzaldan ÝEFA kýbogynyń kezeńderi, mánerlep syrǵanaýdan ulttyq chempıonat, Fılıpp Kırkorovtyń, Qaırat Nurtastyń konserti jáne basqa da sharalar. Jyl sońyna deıin biz nysanda jumys istep, barlyq tehnıkalyq jaǵdaılaryn qarastyryp bolamyz. Ol jerde qysqy Ýnıversıadanyń ashylý jáne jabylý saltanattary ótkiziledi”, – dedi Baýyrjan Baıbek.