«2014 jyldyń 5 maýsymynda Avstrıa Respýblıkasynyń quqyq qorǵaý organdary Vena qalasynda R.M.Álıevti ustaǵan.
Vena qalasynyń prokýratýrasy ókilderiniń málimdemesine sáıkes, R.M.Álıevti ustaýǵa «Nurbank» AQ top-menedjerleri J.Temirálıev pen A.Hasenovti urlaý jáne óltirý faktisi boıynsha tergeý materıaldary negiz bolǵan. Munyń aldynda osy aıyptaýlar boıynsha ekstradısıa jasaýdan bas tartylǵandyǵyna baılanysty qazirgi ýaqytta bul tergeý jumystaryn Avstrıanyń quzyretti organdary júrgizýde. Avstrıalyq tarap osy is boıynsha quqyqtyq kómekke júgingen jaǵdaıda Qazaqstan Respýblıkasynyń Bas prokýratýrasy ony tıisti kólemde kórsetýge daıyn. Avstrıalyq taraptan osy is boıynsha resmı aqparattyń túsýi týraly qosymsha habarlanatyn bolady», - delingen habarlamada.
Táýelsiz saıasatker Ámirjan Qosanov Álıevtiń tutqyndalýyna qatysty óz kózqarasyn bildirdi: Eger de bul aqparat ras bolsa, onda mynadaı birneshe suraq týady.Birinshiden, ol polısıaǵa nege óz erkimen keldi? Bul sharasyzdyq pa, álde aldyn-ala oılastyrylǵan qadam ba? Bálkim, «men shetel quqyq qorǵaý organyna ózim keldim, endigi jerde sóıleı bastasam...» degen bizdi bılikke bergen belgisi me? Ekinshiden, bıliktiń ózi keshegi «krýtoı» kýıeýbalany qolǵa túsirýge shynymen de nıetti me? Menińshe, qazirgi biılik óziniń ishki qupıalaryna ábden qanyq ol sıaqtylardyń shette júre bergenine múddeli. Áıtpese, olar bizdiń sotta sóıleı bastasa, saıası júıe astan-kesten bop ketýi múmkin! Óıtkeni qazirgi bılikte otyrǵan kóp adamnyń arty ashylyp qalýy sózsiz! Ashynǵan kúıeý bala olarǵa dushpan bolary haq! Úshinshiden, ózin ózi qorǵap qalý maqsatynda keshegi kúıeý ózin «Qazaqstandaǵy avtoratırazımmen kúrestiń kóshbasshysmyn» degen jeleýdi paıdalanýy múmkin. Biraq ta el ishinde osy kúnge deıin Álıevke qatysty aıtylyp júrgen adam denesi túrshigerlik oqıǵalar men saýaldarǵa ol óziniń ashyq ta búkpesiz jaýabyn bermeı, ony qýdaladaýdyń saıası astaryna eshbir el mán bermeý tıis. Áıtpese, kez kelgen keshegi qylmysker bir kúnniń ishinde óńin aınaldyryp, «oppozısıoner» bop shyǵa kelýi múmkin ǵoı. Onda ne isteımiz? Keshe ǵana qasymyzda Zamanbek, Batyrhan, Altynbek, Asqat birge bolǵan qatarǵa qabyldaı salamyz ba? Sondyqtan Álev myrza óziniń jeke basyna taǵylyp jatqan aýyr da adam kótergisiz aıyptarǵa jaýap berýi tıis! Tórtinshi másele – otbasylyq másele. El ishinde «Álıev kúıeý balasy ǵoı, óz qolynan elbasy qalaı kesedi?» degen de sóz joq emes. Bálkim Venada ózi polısıaǵa kelýi sol úlken senarıdiń bir bóligi bolar? Besinshi máselegiń geosaıası astary bar. Álıev UQK-nyń birinshi orynbasary bolǵan adam, bilmeıtini joq. Sonyń ishinde el ekonomıkasy men kaýipsizidigen qatysty qupıa máselelerge qanyq bolǵan. Kim biledi, endigi jerde lny elge ekstradısıalaý máselsin Batys elderi óziniń Qazaqstanmen saıası oıynynda paıdalanary da múmkin. Eń sońǵy máseleniń ishki saıası ómirge, sonyń ishinde taqtalastyq taqyrypqa tikeleı qatysy bar. Óıtkeni ózi týraly, saıası júıe týraly keshegi kúıeýbalasynyń osynda kelip, jurt bile bermeıtin jaıttardy aıta bastaǵany prezıdentke kerek emes. Al ony sonshama kúsh salyp, elge qaıtarǵysy keletin qandaı kúsh eken?
Derekkózder baq.kz, facebook.com
