Eýropada turatyn qazaq qyzy Alash Orda tarıhynan doktorlyq qorǵady. Ózgejan Kesıjı buǵan deıin de Qazaqstanda birneshe ret bolǵan. Almanıada turatyn qandasymyz qazaq tarıhyndaǵy eleýli orny bar Alash Orda qozaǵylysy, sol bir zulmat jyldardaǵy aqtańdaq tarıh týraly izdenip, óziniń doktorlyq dısertasıasyna arqaý etken, dep jazady BAQ.kz.

Ózgejan Kesıjı Dýblın ýnıversıtetiniń áleýmettaný fakúltetinde oqı júrip, "Modernlenüvge Ultşıldıq arqılı Jetüv: Qazaq Alaş Orda Qozğalısı" (Qazirgi zamanǵa ultshyldyqpen jetý: Qazaq Alashorda qozǵalysy) taqyrybynda doktorlyq dısertasıa qorǵaǵan. Sonyń negizinde PhD - ǵylym doktory atandy. Ózgejanǵa doktorlyq ataǵy aldaǵy ýaqytta saltanatty túrde tapsyrylatyn bolady.

Bul týraly Ózgejannyń ákesi Qaıym Kesıjı óziniń áleýmettik jelidegi paraqshasynda jazdy.

Ózgejannyń eńbegi arqyly eýropalyqtar qazaq tarıhynyń eń bir eleýli kezeńin bile alatyn bolady.

Esterińizde bolsa bıyl Alash Orda qozǵalysynyń jetekshisi, Alash kósemderiniń kóshbasshysy Álıhan Bókeıhannyń týǵanyna 150 jyl toldy. Al keler jyly osy qozǵalystyń 100 jyldyǵy atalyp ótetin bolady.