Qazaqstan Respýblıkasynyń Prezıdenti Nursultan Nazarbaevtyń Ókimimen Dáýlet Ediluly Erǵojın Qazaqstan Respýblıkasy Ulttyq qaýipsizdik komıteti tóraǵasynyń orynbasary qyzmetine taǵaıyndaldy.

Aqordanyń baspasóz qyzmeti habarlaǵandaı, Memleket basshysynyń Ókimimen Qabdylkárim Rataıuly Ábdiqazymov Qazaqstan Respýblıkasy Ulttyq qaýipsizdik komıteti tóraǵasynyń orynbasary qyzmetinen bosatyldy.

Dáýlet Ediluly 1979 jyly 26 sáýirde Almaty qalasynda týǵan.

Qazaq memlekettik basqarý akademıasyn (1998) «Ekonomıka jáne menedjment» mamandyǵy boıynsha; Ekonomıka jáne quqyq ýnıversıtetin (2001) «Quqyqtaný» mamandyǵy boıynsha; ZıGSoİk (2003) iskerlik ákimshilendirý magıstri mamandyǵy boıynsha bitirgen.

1998 jyldan - «QazTransOıl» UK» AQ klırıń departamentiniń mamany bolǵan.

2003 jyldan - «QazMunaıGaz» UK» AQ Soltústik Kaspıı jobasy departamenti dırektorynyń orynbasary.

2005 jyldan - «QazMunaıTeńiz» UK» AQ  ekonomıka jáne qarjy jónindegi bas dırektordyń orynbasary.

2006 jyldyń mamyrynan - QR Premer-Mınıstri orynbasarynyń keńesshisi - QR Ekonomıka jáne búdjettik josparlaý mınıstri keńesshisi.

2007 jyldan - QR qarjy vıse-mınıstri.

2008 - 2014 jyl aralyǵynda QR Qarjy mınıstrligi Salyq komıtetiniń tóraǵasy boldy.

2014 jyldyń tamyzynan QR Qarjy mınıstrligi Memlekettik kirister komıtetiniń tóraǵasy bolyp qyzmet etti.   Úılengen. Jubaıy bar, eki ul, eki qyzdyń ákesi.