Qıraǵan shahtanyń astynan 17 jyldan keıin tiri shyqqan adam álemdi tańyrqatty,-  dep habarlaıdy p-i-p.me saıtyna silteme jasap NUR.KZ.

Osydan 17 jyl buryn Qytaıdyń batysynda qýaty 7,8 baldyq jer silkinisi bolady. Saldarynan 118 jumysshy qyzmet etetin shahta opyrylyp, sodan beri shahtanyń qıraǵan bóligi jabyq kúıinde qalǵan.

Alaıda kenshiler toby qaraýsyz qalǵan shahtadan kezdeısoq er adamdy taýyp alǵannan soń, shahtadaǵy jumys qaıta jandandy. Qytaılyq kenshi bolsa, sol qırap qalǵan shahtada 17 jyl boıy ómir súrgen.

Kenshiler úıindiniń arasynan 59 jastaǵy Chýng Vaıdy taýyp alǵanda onyń jaǵdaıy óte aýyr bolatyn. Ol birden jaqyn mańdaǵy aýrýhanaǵa jetkizilip, qazir onyń jaǵdaıy dárigerlerdiń baqylaýynda.

Belgili bolǵandaı jer silkinisi kezinde shahta týnneline súıeý bolyp turǵan aǵash tireýler opyrylyp qalady. Saldarynan úıindiniń astynda 117 adam qalyp qoıyp, mert bolady. Qaıǵyly oqıǵadan tek qana Chýng aman qalady. Onyń tiri qalǵan sebebi, ol ventılıasıalyq sańylaý arqyly demalyp jatqan.

Abyroı bolǵanda shahtada azyq-túliktiń mol qory da bolǵan. Soǵan qaramastan Chýng Vaı tyshqandarmen jáne múkpen qorektengen.

Chýngtyń tiri qalýy jáne onyń osynshama ýaqyt boıy ómir súrýi adam aıtsa sengisiz jaǵdaı. Aıta keteıik, mundaı jaǵdaı adamzat tarıhynda buryn-sońdy bolmaǵan. Iaǵnı úıindi astynda 17 jyl boıy ómir súrip, jaryq dúnıeni qaıta kórý áli tarıhta tirkelmegen.