Sý shyǵynyn 2-3 esege deıin azaıtatyn osynaý jobany «Golden Camel Group LTD» kompanıasy júzege asyrmaq. Óndiristik qýattylyǵy joǵary bolyp tabylatyn tehnologıalarmen jylyna 1500 ga egistik jerdi sýǵarýǵa bolady. Kásiporyn iske qosylǵanda munda 120 jumys orny ashylady dep kútilýde. Bul týraly BAQ.kz tilshisi habarlaıdy.
Aıta keteıik, osy jyldyń 28-29 sáýirinde oblysymyzda ótken «Ontustik Invest-2016» halyqaralyq ınvestısıalyq forýmy aıasynda «Golden Camel Group LTD» kompanıasymen yntymaqtastyq týraly memorandýmǵa qol qoıylǵan bolatyn.
Túrkistan qalasynda salynatyn ınvestısıalyq joba ónimderin negizgi saýdalaýshylar - jergilikti aýyl shýarýashylyq ónimderin shyǵarýshylar men TMD elderiniń óndirýshileri bolmaq.
Jalpy jyl basynan beri oblysta tamshylatyp sýǵarý ádisi qosymsha 6 myńǵa jýyq gektarǵa endirilip, jalpy kólemi 49,7 myń gektarǵa jetti. Bul bizdegi atalǵan jumystardyń respýblıkadaǵy úlesi 73% paıyz ekenin kórsetedi.
Aıta keteıik, oblysta atqarylyp jatqan sharýalardyń deni Memleket basshysynyń tikeleı tapsyrmasymen júzege asyrylýda. Óńirdiń agrarlyq salalaryndaǵy ońdy ózgerister men tyń jobalardyń júzege asyrylý baǵyty elimizdiń agrarlyq sektoryndaǵy eń basym kórsetkishterge ıe ekeni anyq. Halyqqa esep berýinde oblys basshysy Beıbit Bákiruly óńirdegi aýylsharýashylyq salasynyń damý baǵyttaryn tilge tıek etken bolatyn. Joǵarydaǵy nátıjeli sharýalar sonyń jarqyn kórinisi.
