Bıylǵy jyl Túlkibastyq alma ekken baǵbanshylar úshin qolaıly jyl bolmaq. Ónimdi artyǵymen jınaǵan baǵbandar tabysqa kenelýde. Ótken jyly 9 myń 800 tonna alma jınaǵan sharýalar, búgingi kúnge deıin 12 myń 500 tonna alma terip úlgerdi. Aldaǵy kúnderi sharýalar taǵy 15 myń tonna alma jınaýdy josparlap otyr.

Alma baýlarynan molynan ónim alǵan «Kók tal» sharýa qojalyǵy men «Kentaý» JSHS-in aıryqsha aıtýǵa bolady. Óıtkeni sharýashylyqtar baq ósirýde aldyńǵy qatarly elderdiń, onyń ishinde Túrkıa, Polsha memleketteriniń sońǵy úlgidegi ozyq tájirıbelerin paıdalanyp, sol eldiń mamandaryn shaqyryp, úırendi. Sonyń arqasynda 230 ga alma baýy bar «Kóktal» sharýashylyǵy bıyl 5 myń tonna alma jınaýdy mejelep otyr.

Osylaısha, Túlkibas aýdanyn jemis-jıdekti aımaqqa aınaldyrý týraly bastamaǵa oraı aýdanda kóptegen jumystar atqarylýda. Alma egýge nıet bildirgen aýyl sharýashylyǵy taýaryn óndirýshilerge qosymsha jer telimderi berilip, alma baýlar kólemi ulǵaıtyldy.

Búgingi tańda aýdanda ósirilip jatqan barlyq alma aǵashtarynyń kólemi 3115 gektardy qurap otyr.