Oblystyq tabıǵı resýrstar jáne tabıǵat paıdalanýdy retteý basqarmasynyń «Shymkent dendrologıalyq saıabaǵy» MKQK-na oblysta joq «Optimal - 1400» aǵash qazyp-otyrǵyzý agregaty satyp alyndy.

Bul agregattyń qylqan japyraqty aǵashtardyń bıiktigi 2 metrden joǵary, al qalǵan aǵashtardyń 4 metrden joǵary jasyl jelekterdi topyraǵymen qosa qazyp alýǵa jáne basqa orynǵa otyrǵyzýǵa arnalǵan múmkindigi bar. Agregattyń qazý tereńdigi 90 sm bolsa, qazatyn topyraqtyń ústińgi dıametri 140 sm quraıdy. Al tehnıkalyq parametri boıynsha saǵatyna 3-5 aǵashty qazyp alyp, kelesi orynǵa otyrǵyza alady.

Qazirgi tańda, dendrarıı saıabaǵynda 97 myńǵa jýyq jasyl jelek jaıqalyp tursa, sonyń búginde 7 myńy ornynan qaıta almastyrýdy qajet etedi. Alýan túrli aǵash túrleriniń jalpy aımaqqa shashyraı ornalasyp, úlken aýmaqta aralas ósýine baılanysty olardy tamashalaý yńǵaısyzdyq týdyrýda.

Sol sebepti, aǵashtardy klass jáne túrine qaraı shoǵyrlandyrý saıabaqqa kelýshilerge aǵash túrlerimen tolyq tanysýǵa jaǵdaı jasaýǵa osy agregat kóp septigin tıgizbek. Mamandar bıylǵy jyldyń jospary boıynsha jańa jylǵa deıin 2 myń túp aǵashty atalǵan tehnıkanyń kómegimen «kóshirýdi» josparlap otyr.

Osylaısha, oblys kóleminde memlekettik mekemelerdiń qajettiligine jáne jeke turǵyndarǵa aqyly qyzmet kórsetý arqyly osy kúnge deıin qurylys pen komýnıkasıa júrgizýge kedergi bolǵan aǵashtar kesilip alynǵan bolsa, atalmysh mashınanyń kómegimen eshqandaı qıyndyqsyz basqa orynǵa kóshirý múmkindigi týyp otyr.