Ońtústik Qazaqstan oblysy Báıdibek aýdanyna oblystyq ishki saıasat basqarmasynyń bas mamany Mekenhan Qyryqbaev, Ońtústik Qazaqstan oblystyq memlekettik pedagogıka ınstıtýtynyń aǵa oqytýshysy, tarıh ǵylymdarynyń kandıdaty, oblystyq aqparattyq-nasıhattyq top múshesi, lektor  Bahadúr Aıtaı baryp, Táýelsizdik alǵan 1991 jyldan beri 25 jylda elimizde qol jetken jetistikterdi, oń kórsetkishterdi, onyń ishinde oblystaǵy, aýdandaǵy, eldi mekendegi oń ózgeristerdi árbir turǵynǵa jetkizý  maqsatynda  aýdan turǵyndarymen kezdesti, dep habarlaıdy aýdan ákimdiginiń baspasóz qyzmeti. Táýelsizdiktiń 25 jyldyǵy merekesi qarsańynda mańyzdy tarıhı, jalpy memlekettik jáne ıdeıalyq mánge ıe ekendigin eskere otyryp, oblys turǵyndaryna merekelik sharalar uıymdastyrý arqyly jalpyulttyq birliktiń, tatýlyq pen kelisimdi qamtamasyz etýdiń qazaqstandyq modelin, Memleket basshysynyń Qazaqstan Táýelsizdiginiń qalyptasýyndaǵy rólin, jalpyálemdik jáne óńirlik problemalardy sheshýdegi bastamalaryn nasıhattaý basty nazarda boldy. Sonymen qatar, semınarǵa aýdan ákimdiginiń derbes bólim basshylary, aýyldyq okrýgi ákimderi, mektep dırektorlary, aýdandyq, aýyldyq okrýgterdiń, eldi mekenderdiń aqparattyq-nasıhattyq toptarynyń músheleri, buqaralyq aqparat quraldarynyń ókilderi qatysty. Semınardy qorytyndylaı kele, aýdan ákiminiń orynbasary Aıken Temir sóz alyp,birinshi kezekte Táýelsizdik jyldary atqarylatyn jumystardy nasıhattaýǵa jan-jaqty jumylýymyz kerektigin,  elimizde Táýelsizdik jyldarynda jetken jetistikterdi nasıhattaý, túsindirý, júzege asyrý jalpy qoǵamǵa júktelgen mindet ekenin aıtyp ótti.