Álemdik daǵdarysqa qarasmastan elimizde ónerkásip, aýylsharýashylyǵy salasy qarqyndy damyp keledi. Memleket tarapynna kórsetilip jatqan kómektiń arqasynda shaǵyn jáne orta bıznespen shuǵyldanyp jatqan kásipkerlerdiń sany artyp keledi. Ónim óndirý isinde alda kele jatqan Ońtústik Qazaqstan oblysyndaǵy agrobıznes pen tamaq ónerkásibin damytý basymdy baǵyttar bolyp tabylady. 2016 jyldyń 1 qańtaryndaǵy málimetterge saı, iri qara maldyń sany 2,5 %, jylqylardyń sany - 6,8 %, qoılar - 1 %, qustar - 1,7 %, etti óndirý - 3,4 %, taýyqtyń jumyrtqalary - 10,4 % jáne sıyrdyń súti - 2,3 % artqan.
Mal sharýashylyǵy órken jaıǵan ólkede et eksportyna baǵyttalǵan jobalardyń biri – Saıram aýdanynda ornalasqan bordaqylaý kesheni. 21 gektar jerdi alyp jatqan bul keshende 500 bas iri qara bar. Investısıalyq jobanyń jalpy quny 73 mıllıon teńge. Ahmedjan Rýmandınov osyndaı nátıjege jetý úshin OQO kásipkerler palatasynyń Saıram aýdandyq fılıalyna júgingen. Jergilikti mamandar kásipkerge "Údemeli ındýstrıalyq-ınnovasıalyq" damý baǵdarlamasynyń baǵyty «Agrobıznes – 2020» baǵdarlamasy boıynsha nesıe alýǵa at salysyp, baǵyt kórsetken.  Búginde munda onnan astam azamat jumyspen qamtylyp otyr.

         Sharýashylyq basshysy Ahmedjan Rýmandınov qolda bar qara maldyń sanyn taǵy eki esege arttyryp, óndirilgen etti eksportqa shyǵarmaq. Ol úshin ferma janynda mal soıý beketi de bar. Munda óndiriletin et naryqtaǵydan arzan bolady. Óıtkeni, sharýashylyq mal azyǵyna kerek daqyldardy ózderi egip, ózderi daıyndamaq.