Óńirlerde aýyl sharýashylyǵyn damtyý óte mańyzdy. Aýyl sharýashylyǵyn damytyp qana qoımaı, ony brend retinde qalyptastyra bilgen jón. Mysaly, Golandıa irimshigi, fransýz sharaby, japon balyǵy. Mine, bizge de osyndaı atty jasap shyǵarý kerek. Mundaı ataqqa ıe tek Almaty aporty ǵana bolyp tur. Degenmen, Túlkibas aporty da halyqqa tanylyp keledi. Bul árıne qýantarlyq jaı. Jaqynda osy tizimge Arys almasy da qosylmaq. Árıne, bul úshin áli atqarylar tirlik kóp. Áıtse de, bastaý bar. Arys qalasy ákimdiginiń baspasóz qyzmetiniń habarlaýynsha, Arys qalasyna qarasty Aqdala aýyldyq okrýginde alma terý naýqany qyzý júrip jatyr. «Agrobıznes 2020» baǵdarlamasy aıasynda memlekettken qoldaý taýyp, «Agrofırma jańa Aqdala» jaýapkershiligi shekteýli seriktestiginiń 17 0ga jerge golandıalyq jáne «semeránka» alma aǵashtarynyń 2 surpy otyrǵyzylǵan.- «Ár kóshettiń araqashyqtyǵy - 80 sm. Bıiktigi 3,5 metrge deıin kóteriledi. Ár túp alma aǵashynan 1 jyldyń ózinde 40-45 alma alynady» - dedi alma baýynyń basqarýshysy N.Esenqulov. 

Atalǵan alma baýda jergilikti turǵyndardan 50-den asa adam eńbek etýde.
Ońtústik óńiriniń alma baǵyn egýge qolaıly bolýyna oraı baǵbandyq sharýashylyqty qolǵa alǵan arystyq sharýalar aldaǵy jyldary alma baǵynyń kólemin ulǵaıtyp, Arys almasyn elimiz ben alys-jaqyn shetelderge tanymal brendke aınaldyrýdy kózdep otyr.

Mine, óńirimizdegi aýdandarda ónim  óndirilip, jemis-jıdek, kókónister terilip, jumyssyzdar jumyspen qamtylyp, qyzý jumystar júrip jatyr. Endi bul is óz jalǵasyn tapsa dep tileýden basqa lebiz joq. 

rgmedia.kz