Belarýs prezıdenti Aleksandr Lýkashenkonyń oıynsha alyp KSRO memleket ishindegi birinshi qajettiliktegi ónimderdiń bolmaýy kesirinen ydyrap ketti dep habarlaıdy interfax.ru

«KSRO-nyń ydyraý sebebi nede? Eshnárseni oıdan shyǵarýdyń qajeti joq – jaı ǵana halyqqa kir jýatyn untaq jetispedi, - dedi Lýkashenko Mınskidegi reseılik aımaqtyq BAQ ókilderine arnalǵan pres-konferensıa barysynda.

«Uzyn-sonar kezekte turǵan áıelderge qarap janym ashıtyn.  Sheteldik kir jýatyn untaqtyń 10-20 qorabyn alý úshin maǵan kezek kelýin kútkenim bar. Ózimizdiń (otandyq – IF) jetispedi, untaqsyz ómir súrý qaıda?» - dep oıyn jalǵastyrdy prezıdent.

Belarýs basshysynyń sózine sensek, bir jyl kóleminde Belarýsıaǵa myńdaǵan modýl ornatyp, búkil memleketti untaqqa kómip tastaýǵa bolatyn edi. «Biz jetkilikti mólsherde azyq-túlik ónimderin shyǵara almadyq deısiz be? Bos sóz»,- deıdi Lýkashenko.

Sonymen qatar Lýkashenko «Keńes Odaǵy kezinde jibergen qatelikti qazir qaıtalamaýymyz qajet ekendigin aıtty. Sol sebepti qarapaıym halyqtyń turmys-tirshiligin durystap, qajet ónimdermen qamtamasyz etýimiz shart» dep sóz qorytyndylady.