Álemde bala ataýlyny qyzyqtyryp, qýandyratyn oıynshyq toly Kinder Surprise jumyrtqalary Rýmynıada balalardy esh qýanyshqa bólemeıdi.  

Rýmynıada keıbir otbasylar Kinder Surprise Jumyrtqasy ishine oıynshyq toltyryp janyn baǵady. Olar, Anglıada bir danasy 4 fýnt sterlıńke (1700 teńgedeı, Qazaqstanda 350-400 teńge shamasynda satylady. –red) satylatyn Kinder Surprise jumyrtqalarynyń 1000 danasyn toltyrýǵa bar-joǵy 3 fýnt sterlıń (1250 teńge shamasy) eńbekaqy alady eken.

Rýmynıadaǵy keıbir turmysy jupyny otbasylar balalarymen birge jumys istep, jumyrtqany toltyrýǵa 13 saǵatyn jumsaıdy.

The Sun-nyń reportajy boıynsha, sýrettegi otbasy 11 jáne 6 jastaǵy balalaryn da jumysqa jegýge májbúr.

Balalardyń anasy Timea Jurj 3 fýnt sterlıń(bizdiń aqshaǵa shaqqanda 1250 teńge shamasynda ǵana) eńbekaqy alatyndaryn aıtady.  Jurj: «Ulym Patrick 11, qyzym Hannah 6 jasta. Olar da maǵan qolǵabys etedi. Sebebi bul jumyrtqalardy toltyrǵannan qolyma jara shyǵa bastady», - deıdi.  

Kúnde 13 saǵatyn jumyrtqa toltyrýǵa arnaıtyn Jurj, «Keıde, túsimde de osy jumyrtqalardy toltyryp jatqanymdy kóremin. Tipti balalarym bul oıynshyqtardan jıirkenetin boldy. Jaǵdaıymyz tómen ǵoı, basqa ne sharamyz bolsyn?» dep ashynady.

Materıaldyq jaǵdaıy tómen otbasy osyndaı eski úıde ǵumyr keship jatyr.

Degenmen osy ónimdi óndirýshi Ferrero byltyrǵy jyly 112 sterlıń paıda tapsa da, salyqty durys tólemeı jaltaryp keledi eken.