Qazaqstan jeri kólemdi memleket bolǵasyn, qashanda aýyl sharýashylyǵyna kóńil bólýi tıis. Aýyl sharýashylyǵy degende kóp adam astyq ty oılaıdy. Astyq degen – nan. Árıne, astyq óndirý óte mańyzdy. Degenmen, basqa ónimderdi de umytýǵa bolmaıdy. Iaǵnı, jemis-jıdek, kókónis, qysqasha aıtqanda baý-baqsha daqyldary. Bulardy óndiriý arqyly óz azamattarymyzdyń muqtajyn ótep, shetelge eksportqa shyǵarýyp, qyrýar tabysqa kenelýge bolady. Árıne, aıtqanǵa ońaı. Degenmen, qol qýysyryp qarap otyra bergen de bolmaıdy. Sol sebepti Qazaqstan aýyl sharýashylyǵyn turǵyzýǵa kiristi. Bul úshin memleket «Agrobıznes 2020» baǵdarlamasyn daıarlady. Osy baǵdarlama aıasynda Ońtústik óńirinde kásibin dóńgeletip otyrǵan sharýalar az emes. Sol sebepti bolar, olardyń kóńilderdi kóterińki. Halyqtyń da ál-aýqaty jyldan-jylǵa jaqsaryp keledi. 

Mysaly, OQO ákimdiginiń habarlaýynsha, Saryaǵash aýdanynda búginde 1891 gektar júzim alqaby bar. Onyń ónim beretin 1648  gektarynan sharýalar  bıyl 13184 tonna ónim alyp otyr. Bıylǵy ortasha ónimdilik gektaryna 80 sentnerdi quraǵan. Jınalǵan júzimniń 4 313 tonnasy asqanalyq bolsa, 8871 tonnasy tehnıkalyq sorttar. Bıyl jyldaǵydan mol ónim alyp otyrǵandyǵyn aıtqan dıqandar jınalǵan  8871 tonna tehnıkalyq júzim sortyn aýdandaǵy «Caspian Food» JSHS-gimen «Semıreche» JSHS-niń sharap zaýyttaryna ótkizgenin aıtýda. Al qalǵan ónim ishki naryqqa jáne elimizdiń basqa oblystarymen 500 tonnasy Reseı Federasıasyna jóneltilgen. Aıta keteıik, ótken jyly 1648  ga júzim alqabynan 13 myń tonna ónim alyndy. Ortasha ónimdilik 79,2 sn/ga bolǵan.

Mine, osylaısha sharýalar memleketten kómek alyp otyrǵasyn, aıanyp qalmasy anyq. Buǵan ótken jylǵa qaraǵanda artqan kórsetish kýá.

rgmedia.kz